యంగ్ హీరో నిఖిల్ నుండి చివరిగా విడుదలైన సినిమా ‘అర్జున్ సురవరం’. ఆ తరువాత కరోనా ఎఫెక్ట్ తో అతడి సినిమాలకు బ్రేక్ వచ్చింది. లాక్ డౌన్ అనంతరం సినిమా షూటింగ్ లో పాల్గొనడం మొదలుపెట్టారు. నిఖిల్ కెరీర్ లో ‘కార్తికేయ’ సినిమా ఎంత పెద్ద సక్సెస్ అయిందో అందరికీ తెలిసిందే. చందు మొండేటి డైరెక్ట్ చేసిన ఈ సినిమాకి సీక్వెల్ రాబోతుందంటూ చాలా కాలంగా వార్తలు వినిపించాయి.ఫైనల్ గా పూజా కార్యక్రమాలు నిర్వహించి..
రెగ్యులర్ షూటింగ్ మొదలుపెట్టింది చిత్రబృందం. ప్రస్తుతం గుజరాత్ లో ఈ సినిమా షూటింగ్ జరుగుతోంది. కథలో భాగంగా కొన్ని యాక్షన్ సన్నివేశాలను చిత్రీకరిస్తుండగా.. హీరో నిఖిల్ కి స్వల్ప గాయాలయ్యాయి. కాలుకి గాయం కావడంతో షూటింగ్ కి బ్రేక్ పడింది. ప్రస్తుతం ఆయన ఆరోగ్యం బాగానే ఉందని తెలుస్తోంది. నిఖిల్ కోలుకున్న తరువాత షూటింగ్ మొదలుపెట్టాలని భావిస్తున్నారు. ఈ సినిమాకి కాల భైరవ సంగీతం అందిస్తుండగా.. పీపుల్ మీడియా ఫ్యాక్టరీ,
అభిషేక్ అగర్వాల్ ఆర్ట్స్ బ్యానర్లపై ఈ సినిమాను తెరకెక్కిస్తున్నారు. ఈ సీక్వెల్ కథను భారీ స్థాయిలో నిర్మిస్తున్నారు. ఇటీవలే ఈ సినిమాలో బాలీవుడ్ నటుడు అనుపమ్ ఖేర్ ని కీలకపాత్ర కోసం ఎంపిక చేసుకున్నారు. ఓ పక్క సినిమా షూటింగ్ లో పాల్గొంటూనే నిఖిల్.. ’18 పేజెస్’ అనే మరో సినిమాను పూర్తి చేసే పనిలో పడ్డాడు.
Most Recommended Video
ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!
Home