Srikanth: అరెస్ట్ అయిన సీనియర్ హీరో శ్రీరామ్.. అసలేం జరిగింది?

డ్రగ్స్ కేసులో సీనియర్ హీరో శ్రీరామ్ అలియాస్ శ్రీకాంత్ (Srikanth) అరెస్ట్ అయినట్లు తెలుస్తుంది. చెన్నై పోలీసులు ప్రస్తుతం ఆయన్ని విచారిస్తున్నారు. అతనికి వైద్య పరీక్షలు కూడా నిర్వహిస్తున్నారు. ఇందులో భాగంగా బ్లడ్ శాంపిల్స్ తీసుకున్నట్లు తెలుస్తుంది. శ్రీరామ్.. ఒకప్పటి పొలిటీషియన్, డి.ఎం.కె నేత నుండి డ్రగ్స్ కొనుగోలు చేసినట్లు ఆరోపణలు వ్యక్తమవుతున్నాయి.

Srikanth

ఈ క్రమంలో పోలీసులు కీలక సమాచారాన్ని సేకరించిన తర్వాతే చెన్నై పోలీసులు శ్రీరామ్ (Srikanth) ను అదుపులోకి తీసుకున్నారట. మరోపక్క శ్రీరామ్ లీగల్ టీం.. ముందస్తు బెయిల్ కోసం ప్రయత్నాలు చేశారట.ఈ కేసు గురించి మరిన్ని వివరాలు తెలియాల్సి ఉంది. శ్రీరామ్ (Srikanth) ఈ కేసు నుండి బయట పడతాడా? అసలు అతన్ని ఇరికించింది ఎవరు? వంటి డిస్కషన్లు ఇప్పుడు చెన్నై మీడియా వర్గాల్లో ఊపందుకున్నాయి.

ఇక శ్రీరామ్ (Srikanth) తమిళ నటుడే అయినప్పటికీ తెలుగులో కూడా మంచి గుర్తింపు తెచ్చుకున్నాడు. ‘రోజాపూలు’ (Roja Kootam) సినిమాతో తెలుగు ప్రేక్షకులను అలరించిన అతను.. అటు తర్వాత ‘ఒకరికి ఒకరు’ అనే స్ట్రైట్ సినిమాలో హీరోగా నటించాడు. అది మంచి విజయాన్ని అందుకుంది.

హీరోగానే కాకుండా సహాయ నటుడిగా కూడా శ్రీరామ్.. పెద్ద సినిమాల్లో నటించాడు. వెంకటేష్ (Venkatesh)  ‘ఆడవారి మాటలకు అర్థాలే వేరులే’ రవితేజ (Ravi Teja) ‘నిప్పు’ నితిన్ (Nithiin) ‘లై’ నాగ చైతన్య (Naga Chaitanya) ‘దడ’ వంటి సినిమాల్లో కీలక పాత్రలు పోషించాడు. ప్రస్తుతం ఓ పక్క హీరోగా నటిస్తూనే మరోపక్క సహాయ పాత్రలు చేస్తూ వస్తున్నాడు. ‘పిండం’ అనే సినిమాతో ఇతను చాలా కాలం తర్వాత ఓ కమర్షియల్ సక్సెస్ అందుకున్నాడు.

 రాకింగ్ రాకేష్- సుజాత..ల కూతురి అన్నప్రాసన వేడుక ఫోటోలు వైరల్