చైల్డ్ ఆర్టిస్ట్ గా 13 సినిమాల్లో నటించిన తరుణ్ కుమార్.. మిలీనియం ప్రారంభంలో ‘నువ్వే కావాలి’ చిత్రంతో హీరోగా మారాడు. మొదటి చిత్రంతోనే సరికొత్త ఇండస్ట్రీ రికార్డులు క్రియేట్ చెయ్యడంతో.. ఇతను స్టార్ హీరో అయిపోయాడు. ఆ తరువాత వచ్చిన ‘ప్రియమైన నీకు’ ‘నువ్వు లేక నేను లేను’ ‘నువ్వే నువ్వే’ వంటి చిత్రాలు ఇతని రేంజ్ ను మరింతగా పెంచాయి. అయితే అటు తరువాత ఇతని గ్రాఫ్ పూర్తిగా పడిపోయింది. ఇతను చేసిన సినిమాలన్నీ అట్టర్ ఫ్లాప్లుగా మిగిలాయి.
కొన్నాళ్ళకి తరుణ్ సినిమాలు ఎప్పుడొస్తున్నాయో.. ఎప్పుడెళ్ళిపోతున్నాయో కూడా తెలియని పరిస్థితి ఏర్పడింది. ఇక ఇప్పుడు పూర్తిగా ఫేడౌట్ అయిపోయాడనుకోండి. అయినప్పటికీ స్టార్ హీరోయిన్ ఆర్తి అగర్వాల్ తో తరుణ్ ప్రేమాయణం నడిపాడని ప్రచారంతో మరికొన్నాళ్లు వార్తల్లో ఉంటూ వచ్చాడు. ఆ ప్రచారంలో నిజం లేదని తరుణ్ తల్లి రోజా రమణి క్లారిటీ ఇవ్వడంతో వాటికి ఫుల్ స్టాప్ పెట్టినట్టు అయ్యింది. సరే ఈ విషయాల్ని పక్కన పెట్టేస్తే.. అతి త్వరలో తరుణ్ కూడా పెళ్లి చేసుకోబోతున్నాడట.
తన తల్లి రోజా రమణి స్నేహితురాలి కూతురునే తరుణ్ పెళ్లి చేసుకోబోతున్నట్టు సమాచారం. ఇరు కుటుంబ సభ్యులు ఈ విషయం పై చర్చించుకోవడం కూడా జరిగిందట. ఈ లాక్ డౌన్ టైములో రానా, నిఖిల్,నితిన్ వంటి చాలా మంది హీరోలు పెళ్లిళ్లు చేసుకున్న తెలిసిందే. ఇప్పుడు ఆ లిస్ట్ లో తరుణ్ కూడా చేరబోతున్నట్టు సమాచారం.
Most Recommended Video
బిగ్‌బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!
Home