రామ్ చరణ్, తారక్ సినిమాలో హీరోయిన్ ఫిక్స్ ?

ప్రస్తుతం కమర్షియల్ సినిమా అనగానే ఇద్దరు హీరోయిన్స్ కామన్. మరో హీరోయిన్ తో ఐటెం సాంగ్ ఉండాల్సిందే. అదే ఒక సినిమాలో ఇద్దరు స్టార్ హీరోస్ ఉంటే నలుగురు హీరోయిన్స్ తప్పనిసరి. అయితే దర్శకధీరుడు ఎస్.ఎస్.రాజమౌళి ఆ లెక్కని తప్పించారు. తాను రామ్ చరణ్ తేజ్, ఎన్టీఆర్ తో తెరకెక్కించనున్న మల్టీ స్టారర్ మూవీలో ఒకే ఒక హీరోయిన్ ని పెట్టబోతున్నారు. అసలే ఇద్దరు హీరోలు వారికి ఎక్కువ సీన్లు రాయాలని హీరోయిన్స్ సంఖ్య ని తగ్గించారో… లేక కథ ఒక్కరినే డిమాండ్ చేసిందో.. తెలియదు గానీ.. రాజమౌళి సినిమాలో ఒకే హీరోయిన్ ఉండబోతుందని ఫిలిం నగర్ వాసులు చెబుతున్నారు. ఆమె ఎంపిక కూడా ఖరారు అయిపోయిందట.

ఆ లక్కీ హీరోయిన్ ఎవరో కాదు.. అజ్ఞాతవాసితో కలిసి సంక్రాంతికి వస్తున్న అను ఇమ్యానుయేల్. అమెరికాలో పుట్టి పెరిగిన ఈ సుందరి తొలిసారి మజ్ను సినిమాలో నాని సరసన ముద్దుగా నటించిన అందరినీ ఆకట్టుకుంది. వెంటనే “కిట్టు ఉన్నాడు జాగ్రత్త” సినిమాతో పాటు పవర్ స్టార్ పవన్ కళ్యాణ్ కి జోడీగా ఛాన్స్ అందుకుంది. అజ్ఞాతవాసి రిలీజ్ కాకముందే అల్లు అర్జున్ ‘నా పేరు సూర్య నా ఇల్లు ఇండియా’ అనే చిత్రంలో ఛాన్స్ అందుకుంది. 2018లో నాగచైతన్యకు జోడీగా ‘శైలజారెడ్డి అల్లుడు’ చిత్రంలోనూ ఈ భామ మెరవబోతోంది. ఇప్పుడు ఒకేసారి రామ్ చరణ్, తారక్ ప్రియురాలిగా కనిపించనుంది. ఈ విషయాన్నీ అధికారికంగా త్వరలో ప్రకటించనున్నారు.