HIT2 OTT: ‘హిట్‌ 2’ ఓటీటీ విషయంలో అసలు ఏం జరిగింది?

‘హిట్‌ 2’ థియేటర్లలో చూసి ఎంజాయ్‌ చేసిన ఫ్యాన్స్‌ ఇప్పుడు ఓటీటీలో కూడా చూసేయొచ్చు. దీని కోసం వెయిట్‌ చేస్తున్న ఫ్యాన్స్‌కి ఇది గుడ్‌ న్యూస్‌ అనే చెప్పాలి. అయితే ఈ గుడ్‌ న్యూస్‌ ఇప్పటికే చెప్పాల్సి ఉన్నా కొన్ని కారణాల వల్ల లేట్‌ అయ్యింది. అది మా వైపు నుండి కాదు. ఓటీటీ పార్టనర్‌ అమెజాన్‌ ప్రైమ్‌ నుండి. ఆ విషయం తర్వాత చూద్దాం. ముందు సినిమా గురించి చూద్దాం. అడవి శేష్ హీరోగా నటించిన ‘HIT 2’ డిసెంబర్ 2న థియేటర్లలోకి వచ్చిన విషయం తెలిసిందే.

‘హిట్: ది ఫస్ట్ కేస్’ అనే సినిమాకు సీక్వెల్‌గా రూపొందిన ఈ క్రైమ్ థ్రిల్లర్ ఆడియెన్స్‌ను బాగా ఆకట్టుకుంది అని చెప్పాలి. శైలేష్ కొల‌ను దర్శకత్వం వహించిన ఈ సినిమాలో అడవి శేష్ ఒక టిపికల్‌ యాటిట్యూడ్‌ ఉన్న పోలీసు అధికారిగా మెప్పించాడు. ఈ సినిమా ఈ రోజు అందుబాటులోకి రాగా, గతంలో విడుదలైన కాసేపటికే తొలగించేశారట. నిజానికి జనవరి 4న ఈ సినిమాను అమెజాన్ ప్రైమ్ ఓటీటీలో రెంట్ ప్రాతిపదికన వినియోగదారులకు అందుబాటులోకి తెచ్చారు. అయితే ఏమైందో ఏమో కాసేపటికే ఓటీటీ ఫ్లాట్ ఫామ్ నుండి తొలగించారు.

అయితే దీని కారణం.. ఈ సినిమాను అమెజాన్ ప్రైమ్ జనవరి 6 నుండి అందుబాటులో ఉంచాలని అనుకుందట. కానీ, ముందుగానే స్ట్రీమింగ్‌కి ఉంచిందట. దీంతో వెంటనే ఓటీటీ ఫ్లాట్ ఫామ్ నుండి తొలగించింది అంటున్నారు. దీంతో ఎందుకు ముందుగా విడుదల చేశారు? ఎందుకు మళ్లీ తొలగించారు? అనే విషయం తెలియక జుట్టు పీక్కుంటున్నారు. అయితే ఇప్పుడు పూర్తిస్థాయిలో అందుబాటులోకి తీసుకొచ్చారు.

సినిమా క‌థేమిటంటే… కృష్ణ‌దేవ్ అలియాస్ కేడీ (అడివి శేష్ ) విశాఖ‌ప‌ట్నం ఎస్పీగా విధుల్లో చేర‌తాడు. క్రిమిన‌ల్స్‌వి కోడి బుర్ర‌లనీ, వాళ్ల‌ని ప‌ట్టుకోవ‌డం పెద్ద క‌ష్ట‌మేమీ కాద‌ని తీసిపారేస్తుంటాడు. ఆర్య (మీనాక్షి చౌద‌రి)ని ప్రేమించిన కేడీ ఆమెతో క‌లసి జీవితాన్ని ఆరంభిస్తాడు. ఇంత‌లో ఓ ప‌బ్‌లో ఓ అమ్మాయి దారుణ హ‌త్య‌కి గుర‌వుతుంది. చేతులు, కాళ్లూ, మొండెం అన్నీ వేరు చేసి.. ఉన్న ఆ అమ్మాయి మృత‌దేహాన్ని చూసిన కేడీకి.. ప‌రిశోధ‌న‌లో మ‌రో విస్తుపోయే నిజం తెలుస్తుంది. ఆ విషయం ఏంటి, అమ్మాయి మెడపై పంటి గాటు త‌ప్ప మ‌రే ఆధారం లేకుండా హ‌త్య‌లు చేస్తున్న ఆ కిల్ల‌ర్ ఎవ‌రు? అనేది సినిమాలో చూడాల్సిందే.

బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!

ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?