Honey Rose: సినిమాలు కంటే, ‘రిబ్బన్ కటిగ్స్ తోనే గట్టిగా సంపాదిస్తున్న బ్యూటీ

మాలీవుడ్ బ్యూటీ హనీ రోజ్ పేరు ‘వీరసింహారెడ్డి’ తర్వాత తెలుగు ప్రేక్షకులలో బాగా పాపులర్ అయ్యింది. ఆ సినిమాలో మీనాక్షి పాత్రలో మెప్పించినా, ఆమె ఇక్కడ స్టార్ హీరోయిన్‌గా వరుస ఆఫర్లు అందుకుంటున్నది లేదు. 15 ఏళ్లుగా ఇండస్ట్రీలో ఉన్నా, ఆమెను ఎవరూ టాప్ లీగ్ హీరోయిన్‌గా పరిగణించరు. ఆమె సినిమా రెమ్యునరేషన్ కూడా లక్షల్లోనే ఉంటుందని అంతా భావిస్తారు. కానీ, ఇక్కడే ఓ షాకింగ్ న్యూస్ బయటకొచ్చి, ఇండస్ట్రీ వర్గాలను ఆశ్చర్యపరిచింది.

Honey Rose

సినిమాల పరంగా టాప్ లీగ్‌లో లేకపోయినా, సంపాదనలో మాత్రం హనీ రోజే కేరళలో టాప్ అని డైరెక్టర్ వినాయన్ సంచలన కామెంట్స్ చేశారు. ఇది ఇప్పుడు కోలీవుడ్‌లో హాట్ టాపిక్‌గా మారింది. సినిమాకు పరిమితంగా తీసుకునే హనీ రోజ్, మలయాళంలోని మంజు వారియర్, నయనతార (మలయాళం వరకు) లాంటి స్టార్ హీరోయిన్లందరినీ దాటి అత్యధిక పారితోషికం తీసుకుంటున్న నటిగా ఎలా నిలిచిందన్నదే అసలు పాయింట్.

వినాయన్ చెప్పినదాని ప్రకారం, హనీ రోజ్ సంపాదనకు, ఆమె చేస్తున్న సినిమాలకు దాదాపు సంబంధం లేదు. ఆమె అసలు ఆదాయం అంతా “ఈవెంట్లు” (ముఖ్యంగా షాప్ ఓపెనింగ్స్) “యాడ్స్” ద్వారానే వస్తోందట. ‘వీరసింహారెడ్డి’ తర్వాత ఆమెకు సోషల్ మీడియాలో, ముఖ్యంగా తెలుగు, కేరళ యూత్‌లో క్రేజ్ వచ్చింది. ఈ ఇన్స్టా ఫాలోయింగ్‌, ఆమె పాపులారిటీనే బ్రాండ్లు, ఈవెంట్ ఆర్గనైజర్లు భారీగా క్యాష్ చేసుకుంటున్నారు.

నిజానికి హనీ రోజ్ 2005లోనే ఇండస్ట్రీకి వచ్చింది. 2008లో ‘ఆలయం’తో టాలీవుడ్‌లో ఎంట్రీ ఇచ్చినా ఎవరూ పట్టించుకోలేదు. ఇన్నేళ్ల ప్రయాణంలో ఎంతో మంది హీరోయిన్లు వచ్చి వెళ్లినా, ఆమె మాత్రం నిలబడింది. అప్పట్లో సోషల్ మీడియా లేకపోవడం మైనస్ అయినా, ఇప్పుడు అదే సోషల్ మీడియాను ఆమె తన ప్రధాన ఆదాయ వనరుగా మార్చుకుంది. రెండేళ్లుగా కొత్త సినిమా లేకపోయినా (ప్రస్తుతం ‘రాహేల్’ తప్ప), ఆమె క్రేజ్ మాత్రం తగ్గకపోవడం విశేషం.

డబ్బు కంటే సినిమా అంటేనే ఇష్టమని హనీ రోజ్ చెబుతున్నా, ఆమె మాత్రం ఒక కొత్త ట్రెండ్‌ను సెట్ చేసింది. సినిమా హిట్లు లేకపోయినా, కేవలం సోషల్ మీడియా క్రేజ్, పబ్లిక్ అప్పియరెన్స్‌తోనే స్టార్ హీరోయిన్ల కంటే ఎక్కువ సంపాదించవచ్చని ఆమె ప్రూవ్ చేసింది. ఇది చాలా మంది యంగ్ హీరోయిన్లకు కొత్త బిజినెస్ మోడల్‌ను చూపిస్తోంది. సినిమా అవకాశాల కోసం చూడకుండా, పర్సనల్ బ్రాండ్‌ను పెంచుకోవడంపైనే వారు దృష్టి పెడుతున్నారు.