జూనియర్స్ తోపాటు సీనియర్ హీరోస్ తోనూ జతకడుతోన్న కాజల్

ఇక కెరీర్ అయిపోయినట్లే అని అందరూ అంచనాలు వేస్తున్న టైమ్ లో ఒకే ఒక్క ఐటెం సాంగ్ తో ఒక్కసారి లైంలైట్ లోకి వచ్చేసింది కాజల్ అగర్వాల్. “జనతా గ్యారేజ్”లో పక్కా లోకల్ అంటూ ఎన్టీఆర్ తో చిందులేసిన కాజల్.. అప్పటినుంచి వెనక్కి తిరిగి చూసుకోకుండా దూసుకుపోతోంది. “ఖైదీ నంబర్ 150, నేనే రాజు నేనే మంత్రి” చిత్రాలతో మంచి విజయాలు అందుకున్న కాజల్.. “ఎం.ఎల్.ఏ”తోనూ మోడరేట్ హిట్ అందుకుంది.

ప్రస్తుతం తమిళ్ లో పారిస్ పారిస్ అనే సినిమా చేస్తున్న కాజల్.. తెలుగులో బ్యాక్ టు బ్యాక్ రెండు సినిమాలు చేస్తున్న కాజల్.. విజయ దేవరకొండతోనూ ఒక సినిమా చేయనుంది. ఇప్పుడు తాజాగా గోపీచంద్ సరసన నటించేందుకు అంగీకారం తెలిపిందని తెలుస్తోంది. కాజల్ ఆల్రెడీ తెలుగులో బెల్లంకొండ శ్రీనివాస్ సరసన రెండు సినిమాల్లో నటిస్తున్న విషయం తెలిసిందే. దాంతో.. ఒక వైపు జూనియర్స్ తో.. మరోవైపు సీనియర్స్ తో సినిమాలు చేస్తూ కెరీర్ ను పొడిగించుకుంటున్న కాజల్ ను చూసి అందరూ విస్తుపోతున్నారు.