‘పుష్ప-2’ (Pushpa 2) పాన్ ఇండియా స్థాయిలో అత్యంత ప్రతిష్టాత్మక ప్రాజెక్ట్‌గా ఎదుగుతోంది. బన్నీ (Allu Arjun) ఫ్యాన్స్ అని కాకుండా సినిమా ప్రియులు అంతా ఈ సినిమాకోసం ఎంతో ఆసక్తిగా ఎదురుచూస్తున్నారు. ‘పుష్ప ది రైజ్’ (Pushpa) సూపర్ హిట్ అవ్వడం తో, సీక్వెల్ పై మరింతగా అంచనాలు పెరిగాయి. సౌత్ నుంచి నార్త్ వరకు ‘పుష్ప-2’పై విపరీతమైన హైప్ ఉంది. బాక్సాఫీస్ వద్ద ఉన్న రికార్డులను బద్దలు కొట్టడం మాత్రమే కాకుండా, కొత్త రికార్డులను సృష్టిస్తుందని భావిస్తున్నారు.
ప్రస్తుతానికి ‘పుష్ప-2’ ఏకంగా రూ.1000 కోట్ల ప్రీ రిలీజ్ బిజినెస్ జరుపుకున్నట్లు వార్తలు వినిపిస్తున్నాయి. ఇటీవల నిర్మాత రవిశంకర్ ఈ విషయంపై స్పందిస్తూ భారీ బిజినెస్ జరుగుతోందని వెల్లడించారు. ఈ సినిమాను బాక్సాఫీస్ వద్ద రికార్డుస్థాయిలో వసూళ్లు సాధించేలా ప్రణాళికలు సిద్ధమవుతున్నాయి. ఇప్పటికే ‘ఆర్ఆర్ఆర్’ సాధించిన ఓపెనింగ్ రికార్డును ‘పుష్ప-2’ బ్రేక్ చేయవచ్చని అంచనా వేస్తున్నారు. ఈ సారి ‘పుష్ప-2’ ఏకంగా ప్రపంచవ్యాప్తంగా 11,500 థియేటర్లలో విడుదల కానుంది, ఇందులో మన దేశంలోనే 6500 స్క్రీన్స్‌లో ఈ చిత్రం విడుదల అవుతుందని సమాచారం.
ఇప్పటి వరకు ఏ భారతీయ చిత్రం కూడా ఇంత పెద్ద స్థాయిలో విడుదల కానందున, తొలి రోజు ఓపెనింగ్స్‌లోనే సరికొత్త రికార్డులు సాధించడం ఖాయం అని అంటున్నారు. RRR ఫస్ట్ డే 223 కోట్ల కలెక్షన్స్ ఓపెనింగ్ తో ఫస్ట్ రికార్డులో మొదటి స్థానంలో ఉంది. ఈ రికార్డ్ ను పుష్ప రాజ్ పక్కా బ్రేక్ చేసే ఛాన్స్ ఉంది. కానీ, ఫుల్ రన్ కలెక్షన్ల పరంగా కూడా బాహుబలి-2(Baahubali2) , ఆర్ఆర్ఆర్ (RRR) వంటి సినిమాలను అధిగమిస్తుందా అన్నది ఆసక్తికర అంశంగా మారింది.
భారతీయ చిత్రాలలో అత్యధిక గ్రాస్ వసూళ్లు సాధించిన చిత్రాల జాబితాలో దంగల్, బాహుబలి-2, ఆర్ఆర్ఆర్ ముందువరుసలో నిలిచాయి. వాటిని అధిగమించడంలో పుష్ప-2 సక్సెస్ సాధిస్తే, బన్నీకి తక్షణం పాన్-ఇండియా స్టార్‌గా గుర్తింపు మరింత బలపడుతుంది. పుష్ప-2 కోసం దర్శకుడు సుకుమార్ (Sukumar), బన్నీ చాలా చాకచక్యంగా రకరకాల ప్రమోషన్ స్ట్రాటజీలను అమలు చేస్తున్నారు.
