టాక్ తో సంబంధం లేకుండా ‘బ్రహ్మాస్త్ర’ సినిమా బాక్సాఫీస్ వద్ద భారీ కలెక్షన్స్ ను సాధిస్తోంది. అన్ని ఏరియాల్లో హౌస్ ఫుల్ బోర్డ్స్ పడుతున్నాయి. అనుకున్నంత రేంజ్ లో కంటెంట్ లేదనే మాటలు వినిపిస్తున్నా.. ఒక్కసారైనా ఈ సినిమాను చూడాల్సిందేనని ఎక్కువశాతం మంది చెబుతున్నారు. దీంతో థియేటర్లు కళకళలాడుతున్నాయి. ‘సీతారామం’ సినిమా ఓటీటీలోకి వచ్చేయడం.. మెజారిటీ ఆడియన్స్ ‘కార్తికేయ2’ని చూసేయడంతో ‘బ్రహ్మాస్త్ర’, ‘ఒకే ఒక జీవితం’ సినిమాలు మంచి ఆప్షన్స్ గా మారాయి.
ఇప్పటివరకు రెండు తెలుగు రాష్ట్రాల్లో ఈ సినిమా రూ.9 కోట్లకు పైగా రాబట్టిందని సమాచారం. తెలుగులో ఈ సినిమా ఇంత పెద్ద సక్సెస్ కావడానికి కారణం రాజమౌళి అనే చెప్పాలి. ఆయన ప్రెజంట్ చేసిన సినిమా కావడం, ప్రమోషన్స్ లో సినిమాను పొగుడుతూ ఆయన మాట్లాడడంతో జనాలు ఈ సినిమాకి క్యూ కడుతున్నారు. తెలుగులో ఈ సినిమాను రాజమౌళి స్నేహితుడు సాయి కొర్రపాటి విడుదల చేశారు. వరల్డ్ వైడ్ గా ఈ సినిమా రూ.75 కోట్లు గ్రాస్ వచ్చిందని యూనిట్ వర్గాలు చెబుతున్నాయి.
ఈ ఏడాది బాలీవుడ్ లో విడుదలైన సినిమాల్లో ‘బ్రహ్మాస్త్ర’కే భారీ ఓపెనింగ్స్ వచ్చాయి. వీకెండ్ లో ఈ సినిమా సత్తా చాటుతోంది. వారం తిరిగేలోపు బ్రేక్ ఈవెన్ అవ్వడం ఖాయమని ట్రేడ్ వర్గాలు చెబుతున్నాయి. ఎలాగో వచ్చే రెండు వారాల్లో చెప్పుకోదగ్గ రిలీజెస్ లేవు కాబట్టి సోమవారం నుంచి కూడా ‘బ్రహ్మాస్త్ర’ జోరు చూపించడం ఖాయం.
మిక్స్డ్ టాక్ తోనే ఈ సినిమా ఇన్ని కలెక్షన్స్ రాబడుతుంటేనే.. కంటెంట్ బాగుంటే వేరే రేంజ్ లో ఉండేది. దర్శకుడు అయాన్ ముఖర్జీ కంటెంట్, గ్రాఫిక్స్ మీద ఎక్కువ ఫోకస్ చేసి ఉంటే మాత్రం బాలీవుడ్ లో బిగ్గెస్ట్ హిట్ గా నిలిచేది ఈ సినిమా. ప్రస్తుతానికైతే.. ఈ సినిమాతో బాలీవుడ్ కు పెద్ద రిలీఫ్ దక్కినట్లే చెప్పుకోవాలి!
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
Home