నాని సినిమాకు డిమాండ్ మామూలుగా లేదుగా..?

టాలీవుడ్ ఇండస్ట్రీలో ఏడాదికి రెండు లేదా మూడు సినిమాలు విడుదలయ్యే విధంగా కెరీర్ ను ప్లాన్ చేసుకునే హీరో ఎవరైనా ఉన్నారా అంటే నాని మాత్రమే అని చెప్పాలి. నాని నటించిన టక్ జగదీష్ విడుదలకు సిద్ధంగా ఉండగా శ్యామ్ సింగరాయ్, అంటే సుందరానికి సినిమాలు సెట్స్ పై ఉన్నాయి. అయితే శ్యామ్ సింగరాయ్ సినిమా నాన్ థియేట్రికల్ హక్కులకు ప్రముఖ ఓటీటీల నుంచి, ఎంటర్టైన్మెంట్ ఛానెళ్ల నుంచి భారీగా పోటీ నెలకొందని సమాచారం.

శ్యామ్ సింగరాయ్ చిత్ర నిర్మాతలు నాన్ థియేట్రికల్ హక్కుల ద్వారా 30 కోట్ల రూపాయలు ఆశిస్తుండగా జీ5, హాట్ స్టార్ ఈ హక్కులను కొనుగోలు చేయడానికి ఆసక్తి చూపుతున్నట్టు తెలుస్తోంది. సాధారణంగా పెద్ద హీరోల సినిమాలకు మాత్రమే ఈ స్థాయిలో డిమాండ్ ఉంటుంది. అయితే ఈ డీల్ క్లోజ్ కావాల్సి ఉంది. నాని నాన్ థియేట్రికల్ హక్కుల ద్వారా 30 కోట్ల రూపాయలు సాధిస్తే నాని రేంజ్ స్టార్ హీరోల రేంజ్ కు తక్కువ కాదని చెప్పవచ్చు.

ట్యాక్సీవాలా సినిమాతో సక్సెస్ ను సొంతం చేసుకున్న రాహుల్ సాంకృత్యాన్ ఈ సినిమాకు దర్శకత్వం వహిస్తున్నారు. పీరియాడిక్ మూవీ కావడంతో సాధారణ ప్రేక్షకుల్లో సైతం ఈ సినిమాపై భారీగా అంచనాలు నెలకొన్నాయి. కొన్నేళ్ల క్రితం నాని రొటీన్ కథలను ఎంచుకుంటున్నారని కామెంట్లు వినిపించాయి. అయితే నాని ప్రస్తుతం భిన్నమైన కథలను ఎంచుకుంటూ ఆ విమర్శలకు చెక్ పెట్టడం గమనార్హం. మరోవైపు నాని నటించిన సినిమాలు ఈ మధ్య కాలంలో బాక్సాఫీస్ దగ్గర హిట్ కాలేదు. టక్ జగదీష్ తో నాని సక్సెస్ ట్రాక్ లోకి వస్తారని అతని ఫ్యాన్స్ భావిస్తుండటం గమనార్హం.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!