దేశం మొత్తం సినీ అభిమానులు ఎదురుచూస్తున్న సినిమా బాహుబలి కంక్లూజన్. రాజమౌళి బాహుబలి బిగినింగ్ లో వేసిన ప్రశ్నకు సమాధానం తెలుసుకోవడానికి అందరూ ఆతృతగా ఉన్నారు. అంత క్రేజ్ ఉంది కాబట్టే ఈ సినిమా థియేటర్ హక్కులను కోట్లు కుమ్మరించి డిస్ట్రిబ్యూటర్లు తీసుకున్నారు. 250 కోట్లతో నిర్మితమైన బాహుబలి 2 .. 500 కోట్లకు పైగా ప్రీ రిలీజ్ బిజినెస్ చేసింది. శాటిలైట్ హక్కులు కూడా భారీ ధర పలికాయి. హిందీ, తమిళం, ఇంగ్లిష్ భాషల్లో శాటిలైట్ హక్కులకు ఇంకా సంప్రదింపులు స్థాయిలో ఉంటే తెలుగు భాష హక్కులు అమ్ముడు పోయినట్లు సమాచారం.
మొదటి పార్ట్ ని కొనుగోలు చేసిన స్టార్ మా ఛానల్ వాళ్ళు రెండో పార్ట్ ని కూడా భారీ ధర చెల్లించి సొంతం చేసుకున్నట్లు తెలిసింది. బాహుబలి బిగినింగ్ తమకి లాభాలను అందివ్వడంతో ప్రముఖ ఛానళ్లతో పోటీ పడి దక్కించుకున్నట్లు టాక్. ప్రభాస్, రానా, అనుష్క, తమన్నా, సత్యరాజ్, రమ్యకృష్ణ, నాజర్ తదితరులు నటించిన ఈ చిత్రం ఈనెల 28 థియేటర్లోకి రానుంది.
Also, do SUBSCRIBE to our YouTube channel to get latest Tollywood updates.
Home