తన బయోపిక్ లో తానే నటిస్తానన్న సింధు

బ్యాట్మింటన్ క్రీడాకారిణి పీవీ సింధు రియో ఒలింపిక్స్ లో పతకాన్ని సాధించి ఎందరికో స్ఫూర్తిగా నిలిచింది. తాజాగా రియో ఒలింపిక్స్ ఫైనల్ మ్యాచ్ లో తనని ఓడించిన స్పెయిన్ క్రీడాకారిణి కరోలినా మారిన్‌ ని ఓడించి ఇండియా ఓపెన్‌ సూపర్‌ సిరీస్‌ బ్యాడ్మింటన్‌ టోర్నీని కైవసం చేసుకుంది. ఈ సందర్భంలో ఆమె మీడియాతో మాట్లాడింది. “నా ఆటతీరుపై చాలా సంతోషంగా ఉన్నాను. ఇప్పుడు మలేసియా సూపర్ సిరీస్ పై దృష్టి పెట్టాను. వచ్చే సూపర్ సిరీస్ కోసం మలేషియా వెళ్తున్నాను. ఆ తర్వాత సింగపూర్ ఓపెన్ సిరీస్ ఉంది” అని వరుస తన షెడ్యూల్ గురించి వెల్లడించింది.

“ఈ మధ్య ధోనీ, సచిన్ వంటి క్రీడాకారుల గురించి బయో పిక్ సినిమాలు తీస్తున్నారు.. సైనా నెహ్వాల్, మీ జీవితం పై కూడా చిత్రం తీయాలనుకుంటున్నారు? దానిపై మీ అభిప్రాయం ఏమిటని విలేకరులు సింధుని అడగగా.. ఆమె నవ్వుతూ బదులిచ్చింది. “నా లైఫ్ పై సినిమా అంటే ఆనందమగా ఉంటుంది. ఆ సినిమాలో నా పాత్రను నేనే పోషిస్తే మరింత సంతోషం” అని తన మసులోని మాటను బయట పెట్టింది.

Also, do SUBSCRIBE to our YouTube channel to get latest Tollywood updates.