I’M Game Review in Telugu: ఐ యామ్ గేమ్ సినిమా రివ్యూ & రేటింగ్!

దీంతో ఆఫీస్‌కు వెళ్లి మరీ డాన్ జాన్‌ను చితక్కొడతాడు బలరాజ్ భాయ్. విషయం తెలుసుకున్న తల్లిదండ్రులు డాన్‌ను తిట్టిపోస్తారు. అయినప్పటికీ డాన్ జాన్ మారడు. దీంతో అతని తల్లి మెర్సీ (జయసుధ).. తాను దాచుకున్న రూ. 60 లక్షలు డ్రా చేసి డాన్ జాన్‌కు ఇస్తుంది. ‘ఆ డబ్బుతో బాగుపడతావో, నాశనమైపోతావో నీ ఇష్టం’ అని తెగేసి చెబుతుంది. డాన్ ఆ డబ్బును తీసుకెళ్లి క్రికెట్ బెట్టింగ్‌లో పెడతాడు. అక్కడ కూడా ఆ డబ్బంతా పోతుంది. దీంతో ఫ్రస్ట్రేట్ అయిన డాన్ జాన్..తన డబ్బు తీసుకుని పారిపోయేందుకు ప్రయత్నిస్తాడు. ఈ క్రమంలో అతనికి పెద్ద యాక్సిడెంట్ అవుతుంది. ప్రమాదంలో అతని కుడి చేయి బాగా డ్యామేజ్ కావడంతో, డాక్టర్లు ఆ చేతిని తొలగించి వేరే వ్యక్తి చేతిని డాన్ జాన్‌కు అమర్చుతారు.

ఆసుపత్రిలో ఉన్నన్ని రోజులు డాన్ జాన్ చేయి బాగానే పనిచేస్తుంది. కానీ, ఇంటికి వెళ్లిన తర్వాత ఆ కుడి చేయి అతన్ని చిత్రహింసలకు గురిచేయడం మొదలుపెడుతుంది. అంతేకాదు, ఆ కుడిచేయి వల్ల డేవిడ్ (మిస్కిన్) అనే మాఫియా డాన్.. డాన్ జాన్‌ను టార్గెట్ చేస్తాడు. ఒక దశలో అతని ప్రాణాలు తీసే స్థాయికి వెళ్తాడు. డేవిడ్ బారి నుండి డాన్ జాన్ ఎలా బయటపడ్డాడు? అసలు డాన్ జాన్‌కు అమర్చిన కుడి చేయి ఎవరిది? మధ్యలో క్రికెటర్ విగ్నేష్ (ఆంటోనీ వర్గీస్) ఎవరు? అనేది మిగిలిన కథ.

నటీనటుల పనితీరు: దుల్కర్ సల్మాన్ నటన గురించి కొత్తగా చెప్పేది ఏముంది? ఎటువంటి పాత్రలోనైనా ఇట్టే పరకాయ ప్రవేశం చేసేస్తాడు. కాకపోతే అతను ఎక్కువగా దొంగ లేదా కల్ప్రిట్ తరహా పాత్రలనే రెగ్యులర్‌గా చేస్తుండటం ఓ సెక్షన్ ఆడియన్స్‌కి బోర్ కొట్టిస్తోంది. ఈ విషయాన్ని దుల్కర్ కూడా గ్రహించాలి. అయితే ఈ సినిమాలో ఇంటర్వెల్ సీన్ వద్ద దుల్కర్ బెస్ట్ పెర్ఫార్మెన్స్ ఇచ్చాడు. ఆ సీన్‌లో వేరే నటీనటులు ఎవ్వరూ ఉండరు. ఈ సినిమా హైలైట్స్‌లో ఇదొకటని చెప్పాలి.ఇక కయాడు లోహర్ దుల్కర్‌కి జోడీగా నటించింది.

అయితే ఈమె పాత్రకి పెద్దగా ప్రాముఖ్యత ఏమీ లేకపోవడం నిరాశపరిచే అంశం. సంయుక్త విశ్వనాథన్ ఓ ముఖ్యమైన పాత్ర చేసింది. తన వరకు చాలా బాగా నటించింది. ఆంటోనీ వర్గీస్ పాత్ర కథలో చాలా కీలకంగా ఉంటుంది. అతను కూడా బాగా పెర్ఫార్మ్ చేశాడు. మిస్కిన్ విలనిజం ఓకే. జయసుధ, శ్యామ్ ప్రసాద్ పాత్రలకి సరైన కన్‌క్లూజన్ లేదు. మిగతా నటీనటులు పర్వాలేదనిపించారు.

సాంకేతిక నిపుణుల పనితీరు: ‘ఐ యామ్ గేమ్’ పోస్టర్స్ చూస్తే ఇదొక గ్యాంగ్‌స్టర్ మూవీ ఏమో అనిపిస్తుంది. కానీ ఫాంటసీ మూవీ అంటూ ప్రచారం చేశారు. ప్రమోషన్స్ విషయంలో మేకర్స్ చేసిన పెద్ద మిస్టేక్ ఇదే. ఆ విషయాన్ని పక్కనపెడితే.. ఆ ఫాంటసీ ఎలిమెంట్ కూడా లారెన్స్ ‘ముని’ సిరీస్‌ల స్టైల్లో ఉంటుంది. ఇది ఇంకో మైనస్. ‘ముని’ సినిమాల్లో హీరోని ఓ ఆత్మ ఆవహించడం, కాసేపు హీరో పక్కన ఉన్నవాళ్ళని భయపెట్టడం, ఇంటర్వల్ కి మర్డర్లు చేయడం వంటివి ఉంటాయి.

సెకండాఫ్‌లో ఆ ఆత్మకు జరిగిన అన్యాయాన్ని చూపిస్తారు. క్లైమాక్స్‌లో ఆ ఆత్మకు హీరో సాయం చేస్తాడు. తర్వాత ఆ ఆత్మ విలన్‌పై పగ తీర్చుకుంటుంది. సరిగ్గా ‘ఐ యామ్ గేమ్’ అదే టెంప్లేట్లో తీసిన సినిమా..! కాకపోతే ఇక్కడ ఆత్మ బదులు హీరో కుడిచేయి డిసార్డర్ కనిపిస్తుంది. మిగతాదంతా సేమ్ టు సేమ్. మరో విధంగా చూసుకుంటే.. ‘సవ్యసాచి’, ‘సింబా’ (సంపత్ నంది నిర్మించిన సినిమా) సినిమాల పోలికలు కూడా కొంచెం కనిపిస్తాయి.

ఏదేమైనా ఫస్ట్ హాఫ్ వరకు ‘ఐ యామ్ గేమ్’ బాగుందనిపిస్తుంది. కానీ సెకండాఫ్‌కి వచ్చేసరికి రెగ్యులర్ ఫాంటసీ, రివేంజ్ ఎలిమెంట్స్ పెట్టి సాగదీసిన ఫీలింగ్ వస్తుంది. దర్శకుడు సెకండాఫ్ విషయంలో ఇంకాస్త శ్రద్ద వహించి ఉంటే.. సినిమా ఫలితం మరోలా ఉండేది.టెక్నికల్‌గా మాత్రం సినిమా రిచ్‌గానే కనిపిస్తుంది. సినిమాటోగ్రఫీ బాగుంది. జేక్స్ బిజోయ్ బ్యాక్‌గ్రౌండ్ స్కోర్ కొంచెం రొటీన్‌గా అనిపించినా.. క్వాలిటీగానే ఉంది. ప్రొడక్షన్ వాల్యూస్‌కి వంక పెట్టాల్సిన పనిలేదు. యాక్షన్ ఎపిసోడ్స్, ఛేజింగ్ ఎపిసోడ్స్ బాగా తీశారు. రన్ టైమ్ కూడా దాదాపు 3 గంటలు ఉంది. సెకండాఫ్లో కొంత పోర్షన్ ట్రిమ్ చేయాల్సింది. కానీ ఎడిటర్ ఆ స్టెప్ తీసుకోలేదు.

విశ్లేషణ: ‘ఐ యామ్ గేమ్’ ఫాంటసీ మూవీగా మొదలైన విధానం బాగానే ఉంది. ఫస్ట్ హాఫ్ బాగానే ఉంటుంది కూడా..! కానీ సెకండాఫ్ కి వచ్చేసరికి ట్రాక్ తప్పింది. థ్రిల్లింగ్ ఎలిమెంట్స్ కూడా మిస్ అయ్యాయి.

ఫోకస్ పాయింట్: బోరింగ్ గేమ్

రేటింగ్: 2/5