Venkatesh: 2025 సౌత్ లో ఆ రికార్డు వెంకీ పేరుపై..!

2025 లోకి ఎంట్రీ ఇచ్చి 6 నెలలు కావస్తోంది. సౌత్ లో అయితే స్టార్ హీరోల సినిమాలు ఎక్కువగా రిలీజ్ అయ్యింది లేదు. తెలుగు, తమిళ్,మలయాళం, కన్నడ భాషల్లో చూసుకుంటే సీనియర్ స్టార్ హీరోల సినిమాలే ఎక్కువగా వచ్చాయి. దీంతో అన్ని రాష్ట్రాల్లోని బాక్సాఫీస్ డల్ గానే ఉందని చెప్పాలి. టాలీవుడ్లోనే కాదు మిగతా రాష్ట్రాల్లో కూడా జనాలు థియేటర్లకు రావడం తగ్గించేశారు.

Venkatesh

ఇక్కడ తగ్గించేశారు అనేది వాస్తవం. కానీ మన దర్శక నిర్మాతలు ‘జనాలు థియేటర్లకు రావడం మానేశారు’ అనే మాట ఎక్కువగా వాడుతున్నారు.’ఓటీటీలకు అలవాటు పడిపోవడం వల్ల జనాలు థియేటర్ కి రావడం మానేశారు’ అనే మాటని కూడా సాకుగా చెప్పుకుంటున్నారు అది ముమ్మాటికీ కరెక్ట్ కాదు అనే చెప్పాలి. జనాలను థియేటర్ కి తీసుకురావాలి అనే విధంగా తమ కంటెంట్ ను ప్రమోట్ చేసుకోలేకపోతున్నారు అనేది ఎక్కువ శాతం నిజం.

ఈ విషయాలు పక్కన పెట్టేస్తే.. 2025 లో చూసుకుంటే.. ఇప్పటివరకు సౌత్ లో అత్యధిక కలెక్షన్స్ సాధించిన సినిమాల గురించి డిస్కషన్లు మొదలయ్యాయి. ఇందులో భాగంగా ఎక్కువగా.. మోహన్ లాల్ (Mohanlal) పేరు వినిపిస్తోంది. అతను హీరోగా నటించిన ‘ఎల్ 2 : ఎంపురాన్’ (L2: Empuraan) 2025 కి గాను అత్యధిక కలెక్షన్స్ సాధించిన సినిమా అని చెప్పుకుంటున్నారు. ఆ సినిమా బాక్సాఫీస్ వద్ద రూ.265 కోట్ల గ్రాస్ కలెక్ట్ చేసింది. కానీ దీనికంటే ఎక్కువగా కలెక్ట్ చేసిన తెలుగు సినిమా ఒకటి ఉంది.

అదే వెంకటేష్ (Venkatesh) హీరోగా తెరకెక్కిన ‘సంక్రాంతికి వస్తున్నాం’ (Sankranthiki Vasthunam) సినిమా. ఇది బాక్సాఫీస్ వద్ద రూ.280 కోట్లపైనే కలెక్ట్ చేసింది. మరో 3 రోజుల్లో ‘కన్నప్ప’ (Kannappa) వస్తుంది. అది ‘సంక్రాంతికి వస్తున్నాం’ ని మించి కలెక్ట్ చేస్తే.. అది ఈ 6 నెలల్లో అత్యధిక కలెక్షన్స్ రాబట్టిన సౌత్ సినిమాగా నెంబర్ 1 ప్లేస్ లో నిలిచే అవకాశం ఉంటుంది. లేదు అంటే.. ‘సంక్రాంతికి వస్తున్నాం’ నెంబర్ 1 ప్లేస్ లో కొనసాగుతుంది.

నితిన్ ని చూసి మిడ్ రేంజ్ హీరోలు మారతారా..?!