Bhairava Dweepam: కథపై నమ్మకంతో బాలయ్య ఆ పని చేశారట!

September 23, 2021 / 02:45 PM ISTByFilmy Focus

Join Us

Bhairava Dweepam: కథపై నమ్మకంతో బాలయ్య ఆ పని చేశారట!

జయాపజయాలతో సంబంధం లేకుండా స్టార్ హీరోగా గుర్తింపును సొంతం చేసుకున్న బాలకృష్ణ తన సినీ కెరీర్ లో ఎన్నో ప్రయోగాలు చేశారు. పనిని దైవంగా భావించి సినిమాలోని పాత్రకు పూర్తిస్థాయిలో న్యాయం చేయడానికి ఇష్టపడే స్టార్ హీరోలలో బాలకృష్ణ కూడా ఒకరు. సింగీతం శ్రీనివాసరావు దర్శకత్వంలో బాలకృష్ణ హీరోగా తెరకెక్కిన సినిమాలలో భైరవద్వీపం ఒకటనే సంగతి తెలిసిందే. మాస్ హీరోగా వరుస విజయాలను అందుకుంటున్న సమయంలో బాలకృష్ణ భైరవద్వీపం లాంటి జానపద కథను ఎంచుకోవడం ఆశ్చర్యకరమైన విషయం

అయితే ఆ సినిమాలో కురూపి పాత్రలో నటించడం మరో ఆశ్చర్యకరమైన విషయం అని చెప్పాలి. బాక్సాఫీస్ వద్ద ఈ సినిమా ఘనవిజయాన్ని సొంతం చేసుకుంది. కురూపిగా కనిపించే సన్నివేశాల కోసం బాలయ్యకు మేకప్ వేయడానికే 2 గంటల సమయం పట్టేదని సమాచారం. భోజనం చేయాలంటే మేకప్ తీయాలి కాబట్టి బాలయ్య ఆ సినిమా షూటింగ్ సమయంలో జ్యూస్ లు మాత్రమే తాగేవారు. సినిమా రిలీజైన తర్వాత ఆ పాత్రలో బాలకృష్ణను చూసి అభిమానులు సైతం షాకయ్యారు.

కథపై నమ్మకంతో బాలయ్య ఆ సినిమాలో నటించగా బాలయ్య నమ్మకం నిజమైంది. సినిమాలోని ఒక సీన్ లో రాళ్లు గుచ్చుకున్నా, ముళ్లు కాలిలో దిగబడిపోయినా బాలకృష్ణ మాత్రం అవేవీ లెక్క చేయకుండా పాత్రకు పూర్తిస్థాయిలో న్యాయం చేశారు. సినిమా బాక్సాఫీస్ వద్ద బ్లాక్ బస్టర్ గా నిలవడంతో పాటు మంచి కలెక్షన్లను సాధించింది. ఈ సినిమాలో కేఆర్ విజయ కూడా కొంత సమయం పాటు కురూపిగా కనిపించారనే సంగతి తెలిసిందే.