Chiranjeevi: చిరు కోప్పడుతూ ఫొటో దిగారు.. బాబీ కామెంట్స్!

మెగాస్టార్ చిరంజీవి హీరోగా దర్శకుడు బాబీ తెరకెక్కించిన సినిమా ‘వాల్తేర్ వీరయ్య’. చిరు వీరాభిమాని అయిన బాబీకి ఆయన్ను డైరెక్ట్ చేసే ఛాన్స్ రావడంతో బాబీ చాలా ఎగ్జైట్ అవుతున్నారు. సందర్భం వచ్చిన ప్రతిసారీ చిరంజీవి మీద తనకున్న అభిమానాన్ని బయటపెడుతూనే ఉన్నారు. తాజాగా ‘వాల్తేర్ వీరయ్య’ టీమ్ మొత్తం కలిసి పాల్గొన్న ప్రెస్ మీట్ లో బాబీ మరోసారి చిరంజీవిపై తన అభిమానాన్ని చాటుకున్నారు. ఈ సందర్భంగా ఆయన చెప్పిన ఒక ఫొటో స్టోరీ అందరినీ ఆకట్టుకుంది.

తన అభిమాన హీరో చిరంజీవి నటించిన ‘ఇంద్ర’ సినిమా బ్లాక్ బస్టర్ అవ్వడంతో తాను ఇండస్ట్రీలోకి వచ్చానని చెప్పారు బాబీ. ఆ సినిమాకి కథ అందించిన చిన్ని కృష్ణను కలిసి తాను ఇండస్ట్రీలోకి రావాలనుకుంటున్నట్లు చెప్పానని.. ఇరవై రోజుల పాటు ఆయన్ను వదలకుండా వెనుక తిరగడంతో తన దగ్గర అసిస్టెంట్ గా జాయిన్ చేసుకున్నారని బాబీ వెల్లడించారు. అదే సమయంలో మిగిలిన అభిమానులతో కలిసి చిరంజీవి బ్లడ్ బ్యాంక్ లో రక్తం ఇవ్వడానికి వెళ్లానని..

అప్పుడు తనతో పాటు ఉన్న 50 మంది అభిమానులతో చిరు ఫొటోలు దిగారని చెప్పారు. ఈహే ఒక రౌండ్ అయ్యాక.. తాను రెండోసారి ఫొటో కోసం వెళ్లానని.. దీంతో చిరంజీవి గారు తనను గుర్తుపట్టి కొంచెం కోపంగా చూస్తూ.. ఫొటో వైపు చూడు అని సీరియస్ గా స్టిల్ ఇచ్చారని తెలిపారు. చిరు నవ్వుతూ దిగిన ఫొటో మిస్ అయిందని.. ఆయన కోపంగా ఉన్న ఫొటోనే మిగలడంతో ఈ కారణం ఏంటని చాలా మంది తనను అడిగారని బాబీ చెప్పుకొచ్చారు.

తాను డైరెక్టర్ అయిన తరువాత పవన్ కళ్యాణ్ తో ‘సర్ధార్ గబ్బర్ సింగ్’ సినిమా చేస్తుండగా.. చిరంజీవి సెట్స్ కు వచ్చారని.. అప్పుడు పవన్ కళ్యాణ్ ప్రోత్సాహంతో చిరంజీవితో ఫొటో దిగానని తెలిపారు బాబీ. ఇదంతా వింటున్న చిరంజీవి వెంటనే బాబీ దగ్గరకు వచ్చి అతడిని హత్తుకొని.. ఒక ముద్దు ఇచ్చారు. ఈ ఫొటోను తాను దాచుకుంటానని బాబీ అన్నారు.

18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!

ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?