పవన్ కల్యాణ్‌ – కోల్‌కతా … ఈ కాంబినేషన్‌ని పవన్ అభిమానులు, సినీ ప్రేక్షకులు అస్సలు మరచిపోలేరు. పవన్ కెరీర్‌లో బిగ్గెస్ట్‌ హిట్‌, బాక్సాఫీసు దగ్గర కాసుల వర్షం కురిపించిన ‘ఖుషి’ సినిమా కాంబినేషన్‌ అది. ఆ సినిమా తర్వాత బెంగాల్‌ నేపథ్యంలో చాలా సినిమాలొచ్చాయి. విజయాలు కూడా అందుకున్నాయి. అయితే బెంగాల్‌ నేపథ్యంలో ఎన్ని సినిమాలొచ్చినా ‘ఖుషి’ సినిమా స్థాయే వేరు. అయితే అంతటి హిట్‌ ఇచ్చిన ఆ సినిమా బ్యాక్‌డ్రాప్‌ను పవన్ కల్యాణ్‌ సినిమాలో మళ్లీ చూడబోతున్నామా? అవుననే అంటున్నాయి టాలీవుడ్‌ వర్గాలు.
‘గబ్బర్‌సింగ్‌’ లాంటి బ్లాక్‌బస్టర్‌ తర్వాత పవన్ కల్యాణ్‌ – హరీశ్‌ శంకర్‌ మరోసారి కలవబోతున్న విషయం తెలిసిందే. #PSPK28 వర్కింగ్‌ టైటిల్‌తో ఇటీవల కాన్సెప్ట్‌ పోస్టర్‌ కూడా విడుదల చేశారు. ఆ సినిమా గురించే ఈ బ్యాక్‌టాప్‌ ఇంట్రడక్షన్‌. పవన్- హరీశ్‌ కాంబినేషన్‌లో త్వరలో ప్రారంభం కాబోయే సినిమా కథను కోల్‌కతా బ్రాక్‌డ్రాప్‌లో ఉండబోతోందట. సినిమా ఎక్కువ భాగం అక్కడే చిత్రీకరణ జరుపుతారనే వార్తలూ వస్తున్నాయి. హరీశ్‌ ప్రస్తుతం కథను తుది మెరుగులు దిద్దుతున్నాడని వార్తలొస్తున్నాయి.
ప్రస్తుతం ‘వకీల్‌సాబ్‌’ చిత్రీకరణతో బిజీగా ఉన్న పవన్ తర్వాత వరుస సినిమాలు అంగీకరిస్తూ వస్తున్నాడు. ‘అయ్యప్పనుమ్‌ కోషియం’ రీమేక్‌కు సంబంధించి ఇటీవల కాన్సెప్ట్‌ టీజర్‌ కూడా వచ్చింది. హరీశ్‌ శంకర్‌ సినిమా ఉంది. మరోవైపు బండ్ల గణేష్‌ కూడా ‘బాస్‌ నాతో సినిమా చేయడానికి ఓకే అన్నారు’ అంటూ ఇటీవల ట్వీట్‌ చేశారు. మరి వీటిలో ఏది తొలుత మొదలవుతుంది అనేది తెలియాల్సి ఉంది.
Most Recommended Video
