ఎన్‌బీకే అలియాస్‌ ‘నేలకొండ భగవంత్‌ కేసరి’… విజయదశమి కానుకగా ఈ సినిమా విడుదల కావాల్సి ఉంది. దీనికి తగ్గట్టుగా ప్రస్తుతం ఏర్పాట్లు సాగుతున్నాయి. ఓ వైపు రాజకీయ కార్యక్రమాలు ఉన్నా… సినిమా రిలీజ్‌ డేట్ దగ్గర పడుతుండటంతో టీమ్‌, బాలయ్య ఆ పనుల్లో బిజీగా ఉన్నారు. సినిమాను అనుకున్న సమయానికి తీసుకొచ్చి, నిర్మాత ఎలాంటి ఇబ్బంది పడకుండా ఉండేలా చూసుకుంటున్నాడట బాలయ్య. దీంతోనే రాజకీయ అత్యవసరం ఉన్నా… మేకప్‌ వేసుకుంటున్నారట.
అయితే, ఇక్కడే మరో చిక్కు వచ్చి పడింది. నిజానికి స్కిల్‌ డెవలప్‌మెంట్‌ కేసులో చంద్రబాబు త్వరగా జైలు నుండి బయటకు వస్తారని టీడీపీ శ్రేణులు ఊహించాయి. అయితే సీఐడీ చేస్తున్న వాదనలు, న్యాయ స్థానాలకు వరుస సెలవుల వల్ల ఈ ప్రక్రియ ఆలస్యమవుతోంది. అయితే ఈ కారణంగా ఇప్పుడు బాలయ్య ఇబ్బంది పడుతున్నారని టాక్‌. అటు రాజకీయ కార్యక్రమాలు, ఇటు సినిమా కార్యక్రమాలు ఒకేసారి పడటంతో ఇబ్బందిపడుతున్నారని ఓ టాక్‌.
అంతేకాదు టీడీపీలో సంకట స్థితి కారణంగా బాలయ్య ‘భగవంత్‌ కేసరి’ ప్రచారానికి రావడం కూడా కష్టం అని అంటున్నారు. వచ్చినా ఆ కార్యక్రమాలు పొలిటికల్‌ హీట్‌లోకి వెళ్లిపోతాయని, దీని వల్ల సినిమా ప్రచారం అంత సజావుగా సాగదు అని అంటున్నారు. ఈ నేపథ్యంలో సినిమాను కొన్ని రోజులు వాయిదా వేస్తారని చర్చ జరుగుతోంది. అయితే అక్టోబరు మూడు తర్వాత న్యాయస్థానాల్లో స్కిల్‌ డెవలప్‌మెంట్‌ కేసుల సంగతి తేలితే… ప్రచారం వేగవంతం చేస్తారని అంటున్నారు.
మరి కేసుల సంగతి కొలిక్కి వస్తుందా? లేక సినిమా వాయిదాకు వస్తుందా అనేది చూడాలి. ఎందుకంటే ఇప్పుడు చంద్రబాబు నుండి కేసుల వేడి తనయుడు నారా లోకేశ్‌వైపు మళ్లింది. ఆయనను అరెస్టు చేస్తారని అంటున్నారు. అయితే ఆయన ముందస్తు బెయిల్‌ కోసం దరఖాస్తు చేశారు. ఈ వ్యవహారం కోర్టుల్లో ఉంది. ప్రస్తుతం అక్టోబరు 4 వరకు అరెస్టు పరిస్థితి లేదు. కానీ ఒకవేళ ఆయన కూడా జైలుకు వెళ్తే మాత్రం సినిమా రాకపోవచ్చు అనే ఓ చర్చ నడుస్తోంది.
స్కంద సినిమా రివ్యూ & రేటింగ్!
చంద్రముఖి 2 సినిమా రివ్యూ & రేటింగ్!
‘బిగ్ బాస్ 7’ కంటెస్టెంట్ ప్రిన్స్ యవార్ గురించి 10 ఆసక్తికర విషయాలు !
