Sekhar Kammula: శేఖర్‌ కమ్ముల కొత్త సినిమా.. హీరో అతనేనా? కథ అదేనా?

శేఖర్‌ కమ్ముల – ఏషియన్‌ సినిమాస్… ఈ కాంబినేషన్‌లో ఇప్పటివరకు ఒక సినిమానే వచ్చింది. అయితే ఇప్పుడు రెండో సినిమా సెట్స్‌ మీద ఉంది. ఈ నేపథ్యంలో ఈ కాంబినేషన్‌లో మరో సినిమా కూడా ప్రకటించడంతో ఆసక్తికర చర్చ జరుగుతోంది. సెట్స్‌ మీద సినిమా ఉండగానే… మరో సినిమా ఎందుకు అనౌన్స్‌ చేశారు. అంత కంగారేంటి అని కొందరు అంటుంటే… ఆ సినిమా ఏమవ్వొచ్చే అనే ఆసక్తి ఇంకొందరికి ఉంది. అయితే దీనిపై ఆసక్తికర విషయం ఒకటి బయటకు వచ్చింది.

కాంబినేషన్‌లో మూడో సినిమా అనౌన్స్‌ చేసింది ఓ ‘రెండో’ సినిమా కోసం అంటున్నారు. దగ్గుబాటి రానా డెబ్యూ మూవీగా వచ్చిన ‘లీడర్’ సినిమా గుర్తుందా? ఆ సినిమా అభిమానులకు చాలా స్పెషల్ అని చెప్పొచ్చు. సమకాలీన రాజకీయాలను శేఖర్ కమ్ముల స్పృశించిన తీరు అద్భుతం అనే చెప్పాలి. రాజకీయాల్లోకి చీకటి కోణాన్ని చాలా క్లీన్‌గా చూపించారు అనే ప్రశంసలు కూడా అందుకున్నారు. అయితే ఇప్పుడు ఆ సినిమా సీక్వెలే ఈ సినిమా అంటున్నారు.

‘హ్యాపీ డేస్’, ‘గోదావరి’, ‘ఆనంద్’ అంటూ సాఫ్ట్ ఎమోషన్స్ సినిమాల్ని అప్పటివరకు చూపించిన (Sekhar Kammula) శేఖర్‌ కమ్ముల ‘లీడర్‌’ లాంటి సినిమా చేసేసరికి అందరూ ఆశ్చర్యపోయారు. ఇప్పుడు ఆ సినిమాకు సీక్వెల్‌ అంటే సాధారణంగా అంచనాలు ఉంటాయి. అందులోనూ ఇప్పుడు తెలుగు రాష్ట్రాల్లో రాజకీయాలు మంచి రంజు మీదున్నాయి. ఈ సమయంలో పొలిటికల్‌ యాంగిల్‌లో సినిమా అంటే ఏం చెబుతారు అనేది ఆసక్తికరంగతా మారిది.

దానికి తోడు రాష్ట్ర విభజన జరిగాక ఏర్పడిన పరిస్థితులు, జరిగిన మార్పులు నేపథ్యంలో ‘లీడర్ 2’ ఉంటుంది అంటున్నారు. అయితే రానా ‘రాక్షస రాజు’ అనే పొలిటికల్‌ బ్యాక్‌డ్రాప్‌ సినిమా చేస్తున్నాడు. ఆ సినిమా వెంటనే ‘లీడర్‌ 2’ కూడా చేస్తాడా అనేదే ప్రశ్న. కాబట్టి ‘లీడర్‌ 2’ రూమర్లు ఎంతవరకు నిజమవుతాయి అనేది ఆసక్తికరం. ఒకవేళ రానా ఇప్పుడు కాదు అంటే వేరే హీరోతో సినిమా ఉండొచ్చు అంటున్నారు.

‘గుంటూరు కారం’ లో ఆకట్టుకునే డైలాగులు ఇవే.!

‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!