రానా (Rana Daggubati) సెలక్టివ్ గా సినిమాలు చేస్తుంటాడు. హీరోగా సినిమా చేయాలన్నా.. విలన్ గా సినిమా చేయాలన్నా..లేదంటే వెబ్ సిరీస్ చేయాలన్నా.. రానా ఒకటికి రెండు సార్లు ఆలోచిస్తాడు. నచ్చితే సైలెంట్ గా గెస్ట్ రోల్స్ కూడా చేసేస్తూ ఉంటాడు. ఇటీవల వచ్చిన ‘లవ్ మౌళి’ (Love Mouli) సినిమాలో కూడా డిఫరెంట్ గెటప్లో కనిపించి అందరినీ సర్ప్రైజ్ చేశాడు. అలాగే రానా కన్ఫర్మ్ చేసిన ప్రాజెక్టులు కూడా వెంటనే సెట్స్ పైకి వెళ్తాయన్న గ్యారెంటీ కూడా ఉండదు.
‘హిరణ్యకశిప’ ప్రాజెక్టు సంగతి అందరికీ తెలిసిందే. ఏళ్ళ తరబడి హోల్డ్ లో ఉన్న ఈ ప్రాజెక్టు నుండి అనూహ్యంగా దర్శకుడు గుణశేఖర్ ను (Gunasekhar) తప్పించాడు రానా. మరోపక్క త్రివిక్రమ్ (Trivikram) ఈ ప్రాజెక్టుకి స్క్రిప్ట్ అందిస్తున్నట్టు కూడా తెలిపాడు. దాని గురించి ఎటువంటి అప్డేట్ లేదు. ఇదిలా ఉండగా.. రానా హీరోగా తేజ (Teja) దర్శకత్వంలో ఓ సినిమా రూపొందాల్సి ఉంది. ‘రాక్షస రాజు’ పేరుతో ఈ సినిమా లాంఛనంగా మొదలైంది.
కానీ పూజా కార్యక్రమాలు నిర్వహించినప్పటికీ.. ఇప్పటివరకు ఈ సినిమా షూటింగ్ స్టార్ట్ కాలేదు. దీంతో ఈ విషయంపై ఆరా తీయగా… ఈ ప్రాజెక్టు ఆగిపోయినట్టు టాక్ వినిపించింది. అవును తేజ దర్శకత్వంలో రానా తమ్ముడు అభిరామ్ ‘అహింస’ (Ahimsa) అనే సినిమా చేశాడు. ఇది దారుణంగా ప్లాప్ అయ్యింది. నిర్మాత కూడా భారీగా నష్టపోయాడు.
మరోపక్క రానా సినిమాకి బడ్జెట్ కూడా డబుల్ అవుతుందట. అందుకే ఈ ప్రాజెక్టుని రానా పక్కన పెట్టేసినట్టు సమాచారం. దీని స్థానంలో ‘ఆర్కా మీడియా’ సంస్థలో ఓ సినిమా చేయడానికి రానా రెడీ అవుతున్నాడు.
Home