గత కొన్ని రోజులుగా టీమ్‌ ఇండియా స్టార్‌ బ్యాటర్‌ క్రికెట్‌కు దూరంగా ఉన్నాడు. ఎందుకు ఆడటం లేదు అంటే ఎవరూ సమాధానం చెప్పకపోయినా… రెండోసారి తండ్రి కాబోతున్న కారణంగానే అతను జట్టులో చేరడం లేదు అనే మాటలు వినిపించాయి. గత కొన్ని నెలలుగా అతని భార్య, స్టార్‌ హీరోయిన్‌ అనుష్క శర్మ కూడా బయట కనిపించకపోవడంతో ఆ పుకార్లు నిజమని అనుకున్నారు. అనుకున్నట్లుగా అనుష్క పండంటి మగ బిడ్డకు జన్మనించారు. ఆ బిడ్డకు పేరు కూడా పెట్టేశారు.
విరాట్‌ కోహ్లి, అనుష్క శర్మ తమ బిడ్డకు అకాయ్‌ అని నామకరణం చేశారు. ఈ మేరకు విరాట్‌ కోహ్లీ, (Anushka) అనుష్క శర్మ సోమవారం రాత్రి ఇన్‌స్టాగ్రామ్‌లో ఓ పోస్ట్‌ పెట్టారు. దీంతో పేరుకు అర్థం ఏంటని సోషల్‌ మీడియాలో పెద్ద ఎత్తున చర్చ జరుగుతోంది. అయితే దీనిపై ఆ రంగ నిపుణులు రెండు రకాల అర్థాలను చెబుతున్నారు. సంస్కృతంలో ఈ పదానికి ‘అమరుడు’, ‘చిరంజీవుడు’ అనే అర్థం ఉందని వెల్లడించారు. అయితే హిందీలో ‘కాయ్‌’ అంటే శరీరమని, ‘అకాయ్‌’ అంటే భౌతిక శరీరానికి మించినవాడు అని అంటున్నారు.
మరికొందరు అయితే ఈ పదానికి టర్కీ భాషలో ‘ప్రకాశిస్తున్న చంద్రుడు’ అనే అర్థం ఉందట. దీంతో ఏ భాషలో అర్థంతో విరాట్‌, అనుష్క ఆ పేరు పెట్టి ఉంటారో అని నెటిజన్లు చర్చించుకుంటున్నారు. ఇప్పటికే విరుష్కకు మూడేళ్ల వామిక ఉన్న విషయం తెలిసిందే. ‘‘ఫిబ్రవరి 15న మా బాబు, వామిక తమ్ముడు అకాయ్‌ని ఈ ప్రపంచంలోకి ఆహ్వానించాం. ఈ విషయం అందరికీ చెప్పడానికి సంతోషిస్తున్నాం. ఈ సమయంలో మీ ఆశీర్వాదాలు కావాలి.
మా ఏకాంతాన్ని గౌరవించమని విజ్ఞప్తి చేస్తున్నాం’’ అంటూ ఇన్‌స్టా పోస్టులో విరుష్క రాసుకొచ్చారు. దీంతో సందర్భంగా విరుష్క దంపతులకు సినీ, క్రీడా సెలబ్రిటీలు, నెటిజన్లు శుభాకాంక్షలు చెబుతున్నారు. మరోవైపు ఇన్ని రోజులుగా విరాట్‌ విరామానికి కారణం తెలియని క్రికెట్‌ అభిమానులకు అసలు కారణం తెలిసిపోయింది. దీంతో వాళ్లు కూడా హ్యాపీ అని చెప్పాలి.
‘యానిమల్’ ఫైనల్ గా ఎంత కలెక్ట్ చేసింది.. లాభం ఎంత?
ఈ వారం థియేటర్/ ఓటీటీల్లో స్ట్రీమింగ్ కాబోతున్న 15 సినిమాలు/ సిరీస్ .. ల లిస్ట్.!
కోపంతో ఊగిపోయిన మిడ్ రేంజ్ హీరో.. ఏం అయ్యిందంటే?
Home