బ్లాక్ బస్టర్ దిశగా ‘ఇస్మార్ట్ శంకర్’..!

ఎనర్జిటిక్ స్టార్ రామ్ హీరోగా డాషింగ్ డైరెక్టర్ పూరి జగన్నాథ్ తెరకెక్కించిన ‘ఇస్మార్ట్ శంకర్’ చిత్రం ఈ నెల 18న విడుదలై సూపర్ హిట్ టాక్ ను సొంతం చేసుకుంది. 4 ఏళ్ళ తరువాత పూరి మంచి మాస్ హిట్ కొట్టాడని ప్రేక్షకులు ప్రశంసలు కురిపిస్తున్నారు. విడుదలైన నాలుగు రోజుల్లోనే ఈ చిత్రం బ్రేక్ ఈవెన్ అయిపోయి సూపర్ హిట్ లిస్ట్ లో చేరిపోయింది. ఈ చిత్రాన్ని కొనుక్కున్న డిస్ట్రిబ్యూటర్లు ఇప్పటీకే లాభాలు బాట పట్టారు. తెలుగు రాష్ట్రాల్లో.. ముఖ్యంగా బి,సి సెంటర్స్ లో ఈ చిత్రం మంచి వసూళ్ళను సాధిస్తుంది.

వీక్ డేస్ లో కూడా ఈ చిత్రం కలెక్షన్లు స్టడీ గా ఉండడం విశేషం. ఇక కేవలం 6 రోజుల్లోనే ‘ఇస్మార్ట్ శంకర్’ చిత్రం ప్రపంచవ్యాప్తంగా 56 కోట్ల గ్రాస్ ను రాబట్టినట్టు నిర్మాత చార్మీ తన ట్విట్టర్ ద్వారా తెలియజేసింది. పూరి ఊర మాస్ డైలాగులు .. రామ్ ఎనర్జిటిక్ పెర్ఫార్మన్స్ .. మణిశర్మ మ్యూజిక్ కోసం ఈ చిత్రానికి రిపీటెడ్ ఆడియన్స్ వస్తున్నారు.