Peddi: ‘పెద్ది’కి తమిళనాట ఇబ్బందులు తప్పవా… ఆ స్టార్‌ హీరో సినిమా కూడా అప్పుడే

‘ఆర్‌ఆర్‌ఆర్‌’ సినిమా తర్వాత మరో రామ్‌చరణ్‌ నుండి మరో పాన్‌ ఇండియా సినిమా రాలేదు. ఆ తర్వాత పాన్‌ ఇండియా లెవల్‌ సినిమా ఆయన చేసినా వాటిని నిర్మాతలు ఆ స్థాయిలో రిలీజ్‌ చేయలేదు. చేద్దామని చూసినా సినిమాలో ఆ సత్తా కనిపించలేదు. అయితే ఇప్పుడు చేస్తున్న ‘పెద్ది’ సినిమా విషయంలో అలాంటి వైబ్స్‌ బాగానే కనిపిస్తున్నాయి. ఎన్ని భాషల్లో రిలీజ్‌ చేస్తే.. అన్ని భాషల్లో మంచి వసూళ్లు అందుకునేందుకు రెడీ అవుతున్నారు.

Peddi

అయితే ఇప్పుడు ఈ సినిమాను అలా రిలీజ్‌ చేయడానికి తమిళనాట ఇబ్బందులు పడే పరిస్థితి వచ్చిందా? అవుననే అంటున్నాయి కోలీవుడ్‌ వర్గాలు. ఎందుకంటే నిన్న మొన్నటివరకు ఏప్రిల్‌ 30న విడుదల కాబోయే సినిమా అంటే ‘పెద్ది’ ఒక్కటే ఉంది. అయితే ఇప్పుడు ఆ డేట్‌కి నేనూ వస్తా అంటూ ధనుష్‌ ముందుకొచ్చారు. ధనుష్‌ కొత్త సినిమా ‘కర’ను కూడా అదే తేదీన విడుదల చేయనున్నట్లు టీమ్‌ తాజాగా ప్రకటించింది. ఈ తమిళ సినిమా ఎలాగూ తెలుగులోనూ రిలీజ్ అవుతుంది.

‘కర’ చిత్రానికి ‘పోర్‌ తొళిల్‌’ సినిమా దర్శకుడు విఘ్నేశ్‌ రాజా దర్శకత్వం వహిస్తున్నారు. ఈ సినిమాను థ్రిల్లర్‌గా రూపొందిస్తున్నట్లు సమాచారం. దీనికి సమ్మర్‌ సీజన్‌ పర్‌ఫెక్ట్‌ సినిమా అని టీమ్‌ నమ్మడంతో ‘పెద్ది’ సినిమాతో పోటీకి రెడీ అవుతున్నారు. ఇక ‘పెద్ది’ సినిమా విషయానికొస్తే.. రామ్‌చరణ్‌ తన పాత్రకు డబ్బింగ్‌ ప్రారంభించారు. ఇటీవల దీనికి సంబంధించిన ఓ వీడియోను చిత్రబృందం విడుదల చేసింది. అందులో చరణ్‌ కామెడీ టైమింగ్ అదిరిపోయింది.

మరి ‘పెద్ది’ సినిమాను పాన్‌ ఇండియా లెవల్‌లో ప్రచారం చేస్తారా? లేక తెలుగు సినిమా పరిశ్రమనే ప్రథమంగా తీసుకొని మిగిలిన పరిశ్రమలను అలా టచ్‌ చేసి వదిలేస్తారా అనేది చూడాలి. గతంలో కొంతమంది హీరోలు ఇలానే చేశారు. చూద్దాం ‘పెద్ది’ టీమ్‌ ప్లానింగ్‌ ఎలా ఉంటుందో చూడాలి.

 ‘సలార్‌’ గురించి నిర్మాత షాకింగ్‌ కామెంట్స్‌.. అందరూ హిట్‌ అంటే ఆయన మాత్రం..