ఆరు రోజుల్లో వంద కోట్లు కొల్లగొట్టిన జై లవకుశ!

నాన్నకు ప్రేమతో, జనతా గ్యారేజ్ సరసన జై లవకుశ చేరింది. మూడు క్యారెక్టర్లో యంగ్ టైగర్ ఎన్టీఆర్ చూపించిన నటనకు అందరూ జేజేలు పలుకుతున్నారు. అత్యధిక థియేటర్లలో గత గురువారం రిలీజ్ అయిన ఈ సినిమా ప్రపంచవ్యాప్తంగా తొలిరోజు 32 కోట్లు ఔరా అనిపించింది. రెండో రోజు  అదే జోరు కొనసాగించింది. రెండో రోజుతో 50  కోట్లను దాటి 61 కోట్లను సొంతం చేసుకుంది. ఇక వీకెండ్స్, దసరా సెలవులు కావడంతో ఆరు రోజుల్లో జై లవకుశ 100 కోట్లను వసూలు చేసింది. ఈ సందర్భంగా చిత్ర నిర్మాత నందమూరి కల్యాణ్‌ రామ్‌ ఆనందం వ్యక్తంచేశారు. 100 కోట్ల పోస్టర్ తో పాటు అభిమానులందరికీ ట్విటర్‌లో కృతజ్ఞతలు తెలిపారు. “ప్రపంచంలోని తెలుగు చిత్ర అభిమానులు అందరికీ ధన్యవాదాలు” అని ట్వీట్ చేశారు.

బాబీ దర్శకత్వంలో తెరకెక్కిన ఈ మూవీని తెలుగు వారితో పాటు తమిళ ప్రజలు ఆదరిస్తున్నారు. జై లవకుశ తమిళ డబ్బింగ్ వెర్షన్ ఈ ఆరు రోజుల్లో 2 కోట్లకు పైగా కలక్షన్స్ రాబట్టి ఎన్టీఆర్ సత్తాని మరోసారి చాటింది. ఈ సినిమా జోరు చూస్తుంటే మరిన్ని రికార్డులను కొల్లగొట్టే ఆస్కారం ఉందని సినీ విశ్లేషకులు చెబుతున్నారు.