టాలీవుడ్ లో టాప్ హీరోల లిస్ట్ లో యంగ్ టైగర్ ఎన్టీఆర్ ప్రత్యేకం అనే చెప్పాలి. అందం, అభినయం అన్నీ కలగలిపిన అతి కొద్ది మంది నటులలో ఎన్టీఆర్ ఒకడు అంటే అతిశయోక్తి కాదు. అయితే దాదాపుగా వరుస ఫ్లాప్స్ తరువాత మూడు బ్లాక్ బస్టర్ హిట్స్ అందుకుని హ్యాట్రిక్ సక్సెస్ తో దూసుకెళ్తున్న ఎన్టీఆర్ చాలా గ్యాప్ తరువాత త్రిపత్రాభినయమ్ చేస్తున్న సినిమా జైలవకుశ. ఈ సినిమా కధ ఒకే అయ్యీ, షూటింగ్ మొదలు కాకుండానే ఈ సినిమాపై అంచనాలు భారీ స్థాయిలో పెరిగిపోయాయి. ఇక ఇదిలా ఉంటే మరో పక్క ఈ సినిమా ఫర్స్ట్ లుక్ లో ఎన్టీఆర్ ను చూసి పూనకాలతో ఊగిపోయారు ఎన్టీఆర్ ఫ్యాన్స్. ఇక అసలు విషయంలోకి వెళితే…ట్యాలెంటెడ్ డైరెక్టర్ బాబీ డైరెక్ట్ చేస్తున్న ఈ సినిమా రిలీజ్ డేట్ ఫిక్స్ చేసేసారు. ట్విటర్ వేదికగా…ప్రముఖ నిర్మాత బీఏ రాజు ట్వీట్ చేసారు.
విషయంలోకి వెళితే…నందమూరి కల్యాణ్ రామ్ నిర్మాణంలో యంగ్ టైగర్ ఎన్టీఆర్ బాబీ దర్శకత్వంలో నటిస్తున్న చిత్రం జైలవకుశ రాబోయే సెప్టెంబర్ 21న రిలీజ్ అవుతుంది అని తెలపడంతో ఒక్కసారిగా ఎన్టీఆర్ అభిమానుల్లో ఆనందం ఆకాశాన్ని తాకింది. ఎప్పుడెప్పుడా అంటూ ఎదురు చూస్తున్న ఈ సినిమా రిలీజ్ డేట్ కన్ఫర్మ్ కావడంతో ఫుల్ ఖుషీ అయిపోయారు ఎన్టీఆర్ ఫ్యాన్స్. ఇక మరో పక్క ఈ సినిమా ఎన్టీఆర్ విలన్ గా సైతం నటిస్తూ ఉండడంతో ఈ సినిమాపోి అంచనాలు తార స్థాయిలో ఉండడం విశేషం. మరి సెప్టెంబర్ లో దసరా బరిలో నిలుస్తున్న జైలవకుశ సినిమా ఎన్టీఆర్ కి ఎలాంటి హిట్ ను అందిస్తుందో చూద్దాం.
Also, do SUBSCRIBE to our YouTube channel to get latest Tollywood updates.
