చిరంజీవి, బాలకృష్ణ, వెంకటేశ్, నాగార్జున, పవన్ కళ్యాణ్, మహేశ్ బాబు, ప్రభాస్ లాంటి స్టార్ హీరోలతో సినిమాలు రూపొందించిన దర్శకుడాయన. 20 సంవత్సారాల కెరీర్ లో పదకొండు సినిమాలే చేసిన ఈ దర్శకుడి ఖాతాలో కొంత కాలంగా సరైన హిట్ పడలేదు. అతడే జయంత్ సి పరాన్జీ. రెండేళ్ల క్రితం పునీత్ రాజ్ కుమార్ హీరోగా తన చివరి సినిమా చేసిన ఆయన ప్రస్తుతం కొత్తవారితో ఓ సినిమా చేయనున్నారు.
‘ఉగ్రం’ పేరుతో తెరకెక్కనున్న ఈ సినిమా ముంబై నేపథ్యంలో సాగుతుందట. ఈ సినిమాతో నిలీష్, ఇసబెల్‌ లను పరాన్జీ హీరో, హీరోయిన్లుగా పరిచయం చేయనున్నారు. ఇషాన్ ఎంటర్టైన్మెంట్స్ బ్యానర్ పై రూపొందనున్న ఈ సినిమా త్వరలో సెట్స్ మీదికి వెళ్లనుంది. ఇదిలా ఉంటే మంత్రి గంటా తనయుడు హీరోగా ‘కాళహస్తి’ పేరుతో జయంత్ ఓ సినిమా మొదలెట్టారు. అది ఆదిలోనే అటకెక్కినట్టుంది. అయితే ఆ స్క్రిప్ట్ నే ‘ఉగ్రం’గా మార్చారా లేక ఇదే వేరే కథ అన్నది తెలియాల్సి ఉంది. మరోవైపు స్టార్ హీరోలతో సినిమాలు చేసిన ఈయన కొత్తవారితో చేయడం వెనక కారణమేమిటన్నది ఆసక్తికరంగా మారిందిప్పుడు.
Home