NTR, Prashanth Neel: ఎన్టీఆర్ – ప్రశాంత్‌ కాంబినేషన్‌ కోసం వెయిటింగ్‌ తప్పదు!

టాలీవుడ్‌లో మోస్ట్‌ అవైటెడ్‌ కాంబినేషన్లలో ఎన్టీఆర్‌ – ప్రశాంత్‌ నీల్‌ ఒకటి. చాలా రోజులుగా ఉంటుంది, ఉంటుంది అని పుకారుగా మొదలైన ఈ సినిమా ప్రచారం, కొన్ని రోజులకు అనౌన్స్‌మెంట్‌ రావడంతో పక్కా అయ్యింది. అయితే ఎప్పుడు సినిమా మొదలు అనేది మాత్రం చెప్పడం లేదు. దీంతో సినిమా ముహూర్తం ఎప్పుడు, షూటింగ్‌ స్టార్ట్‌ ఎప్పుడు, రిలీజ్‌ ఎప్పుడు అంటూ తారక్‌ ఫ్యాన్స్‌ వెయిట్‌ చేస్తున్నారు. అయితే సినిమా రావడానికి ఇంకో రెండేళ్లు పక్కా అనేది తాజా సమాచారం.

‘అరవింద సమేత’ తర్వాత నాలుగేళ్లకు ‘ఆర్‌ఆర్‌ఆర్‌’తో ప్రేక్షకుల్ని పలకరించాడు తారక్‌. ఆ తర్వాత వవెంటనే సినిమా స్టార్ట్‌ చేసేస్తాడేమో అనుకుంటే అనుకున్నట్లుగా కొరటాల శివ సినిమా మొదలవ్వలేదు. దీంతో 2022లో ఎన్టీఆర్‌ సినిమా రావడం కష్టం అంటున్నారు. వచ్చే నెలలో స్టార్ట్‌ చేస్తే సంక్రాంతికి తెస్తారో లేదో చూడాలి. ఈ సినిమా సంగతి ఇలా లేట్‌ అవుతుండటంతో తర్వాత మొదలవ్వాల్సిన ప్రశాంత్‌ నీల్‌ సినిమా సంగతి తెలియడం లేదు. తాజా పుకార్ల ప్రకారం చూస్తే ప్రశాంత్‌ నీల్‌ సినిమా నవంబరు లేదా డిసెంబరులో స్టార్ట్‌ అవుతుందని అంటున్నారు.

ఆ లెక్కన షూటింగ్‌కి ఓ ఆరేడు నెలలు వేసుకున్నా 2024 దసరాకి సినిమా విడుదలవ్వొచ్చని అంచనా వేస్తున్నారు. అయితే దీనిపై చిత్రబృందం నుండి ఎలాంటి అధికారిక సమాచారం లేదు. త్వరలో క్లారిటీ రావొచ్చనే అంచనాలు అయితే ఉన్నాయి. అది కూడా కొరటాల సినిమా మొదలయ్యాకనే అంటున్నారు. తారక్‌.. కొరటాల సినిమా పూర్తి చేసేలోపు ప్రశాంత్‌ నీల్‌ ‘సలార్‌’ పనులు పూర్తి చేస్తారట. ఇప్పటికే ‘సలార్‌’ పనులు పూర్తవ్వాల్సి ఉన్నా, ‘కేజీయఫ్‌ 2’ ప్రచారం కోసం వాటిని ఆపారు.

దీంతో ఇప్పుడు ప్రశాంత్‌ నీల్‌ దృష్టి అంతా ‘సలార్‌’పైనే ఉందట. ఇక ప్రశాంత్‌ నీల్ సినిమా కోసం తారక్‌ ఫ్యాన్స్‌ అంతలా ఎందుకు వెయిట్‌ చేస్తున్నారు అనే డౌట్‌ మీకు వచ్చి ఉంటే.. తారక్‌ లాంటి మాస్‌ స్టార్‌ హీరోకి ప్రశాంత్‌ నీల్‌ ఎలివేషన్లు తోడైతే ఎలా ఉంటుంది ఓ థింక్‌ ఏసుకోండి మీకే తెలిసిపోతుంది.

దొంగాట సినిమా రివ్యూ & రేటింగ్!

Most Recommended Video

అశోకవనంలో అర్జున కళ్యాణం సినిమా రివ్యూ & రేటింగ్!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు!
ఈ 10 మంది దర్శకులు… గుర్తుండిపోయే సినిమాలు!