ఎన్టీఆర్ త్రివిక్రమ్ కాంబినేషన్ లో సినిమాకు సంబంధించి ఈ ఏడాది జనవరి నుంచి చాలా వార్తలు వచ్చాయి. రాజకీయ నేపథ్యంలో ఈ సినిమా తెరకెక్కనుందని చౌడప్ప నాయుడు, అయినను పోయిరావలె హస్తినకు టైటిల్స్ లలో ఒక టైటిల్ ఈ సినిమాకు ఫైనల్ కానుందని ప్రచారం జరిగింది. రష్మిక, పూజా హెగ్డేలలో ఎవరో ఒకరు హీరోయిన్ అని గాసిప్స్ గుప్పుమన్నాయి. అయితే చివరికి ఎన్టీఆర్ త్రివిక్రమ్ ప్రాజెక్ట్ ఆగిపోయింది. అయితే ఈ ప్రాజెక్ట్ ఆగిపోవడం వాస్తవమే అయినప్పటికీ ప్రాజెక్ట్ ఆగిపోవడానికి అసలు కారణాలను ఎన్టీఆర్ కానీ,
త్రివిక్రమ్ కానీ వెల్లడించలేదు. ఎన్టీఆర్ 30వ సినిమాకు త్రివిక్రమ్ కు బదులుగా కొరటాల శివ దర్శకత్వం వహించనుండగా 2022 ఏప్రిల్ నెలలో ఈ సినిమా రిలీజ్ కానుంది. అయితే ఎన్టీఆర్ మూవీ క్యాన్సిల్ కావడానికి పరోక్షంగా పవన్ కళ్యాణ్ కారణమయ్యారని ఇండస్ట్రీ వర్గాల్లో వినిపిస్తోంది. మలయాళంలో బ్లాక్ బస్టర్ హిట్టైన అయ్యప్పనుమ్ కోషియమ్ రీమేక్ లో పవన్ కళ్యాణ్ నటిస్తుండగా ఈ సినిమాకు త్రివిక్రమ్ శ్రీనివాస్ కథనం, మాటలు అందిస్తున్న సంగతి తెలిసిందే.
పవన్ సినిమాకు ఎక్కువ సమయం కేటాయించిన త్రివిక్రమ్ స్క్రిప్ట్ ను సిద్ధం చేయలేకపోవడం వల్ల ఎన్టీఅర్ ఈ ప్రాజెక్ట్ ను పక్కన పెట్టినట్టు తెలుస్తోంది. ఎన్టీఆర్ త్రివిక్రమ్ కాంబినేషన్ లో భవిష్యత్తులో సినిమా తెరకెక్కనుందో లేదో చూడాల్సి ఉంది. కరోనా ఉధృతి తగ్గితే జూన్ నెల 2వ వారం నుండి కొరటాల శివ ఎన్టీఆర్ సినిమా షూటింగ్ మొదలయ్యే అవకాశం ఉంది. ఈ సినిమా కథకు సంబంధించి అనేక వార్తలు వైరల్ అవుతుండగా ఆ వార్తల్లో నిజానిజాలు తెలిసే అవకాశం ఉంది.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
Home