ప్రశాంత్‌ నీల్‌ – ఎన్టీఆర్ సినిమా ఎప్పుడు? గత కొన్ని రోజులుగా ఈ విషయం మీద పెద్ద ఎత్తున చర్చ జరుగుతోంది. అయితే ‘దేవర’ సినిమా అయిపోయన వెంటనే అని ఆన్సర్‌ ఇన్‌స్టంట్‌గా వస్తుంది. కానీ ఇక్కడ విషయం ఏంటంటే.. ఆ సినిమా అయ్యాక ప్రశాంత్‌ నీల్‌ రెడీగా ఉంటారా అనేది ప్రశ్న. ఎందుకంటే ఆయన ‘సలార్‌ 2’ సినిమా రెడీ చేసి ఇవ్వాలి. మరోవైపు ‘కేజీయఫ్‌ 3’ అని కూడా అంటున్నారు. ఆ చర్చ కాసేపు పక్కన పెడితే మరో ఆసక్తికర చర్చ మొదలైంది. అదే ఈ సినిమా బ్యాక్‌డ్రాప్‌ ఏంటి అని?
ప్రశాంత్‌ నీల్‌ సినిమా అంటే సగటు సినిమాకు ఉండాల్సిన అన్ని అంశాలు ఉండి.. దానికి నలుపు ప్రపంచం ఉంటుంది. అంటే ఆయన హీరోలు, విలన్లు, ఇతర పాత్రధారులు మొత్తం ఆ ప్రపంచంలోనే కనిపిస్తారు. అయితే ఒక్క హీరోయిన్‌ మాత్రం దీనికి దూరం అనుకోండి. దానిక రగ్‌డ్‌, రస్టిక్‌, మాస్‌ లుక్‌ అంటూ ఏవేవో పేర్లు పెట్టుకున్నా.. హీరో మాత్ర రఫ్‌గా ఉంటాడు. మాఫియా బ్యాక్‌డ్రాప్‌లో విలన్‌ థాట్స్‌తో హీరోగా ఉంటాడు. అయితే ఇప్పుడు తొలిసారి ప్రశాంత్‌ నీల్‌ మాఫియాను పక్కన పెడతారు అని అంటున్నారు.
డాన్‌ లుక్‌లో హీరో కనిపిస్తే ఆ పాత్రకు ఎలివేషన్లు ఇవ్వడం చాలా సులభం అంటుంటారు. ఈ మాట ప్రశాంత్‌ నీల్‌ సినిమాలు చూసే చెప్పొచ్చు. ఇప్పుడు ఈ ఆలోచనకు కాస్త దూరంగా ఎన్టీఆర్ కథను సిద్ధం చేస్తున్నారని అంటున్నారు. భారత్‌ – పాకిస్థాన్‌ సరిహద్దు నేపథ్యంలో ఓ వీరుడి కథతో ఈ సినిమా రూపొందనుందట. అయితే ఆ దేశభక్తుడు ఎవరు? నిజ జీవితం నుండి తీసుకున్నారా అనేది తెలియాల్సి ఉంది. ఈ మేరకు త్వరలో ఫొటో షూట్‌ కూడా ఉంటుంది అంటున్నారు.
అయితే ఈ పుకారును ఎంతవరకు నమ్మొచ్చు అనే విషయంలో డౌట్స్‌ ఉన్నాయి. ఎందుకంటే ఈ సినిమా టీజర్‌ పోస్టర్‌ ఇప్పటికే వచ్చేసింది. అందులో తారక్‌ సీరియస్‌ లుక్‌లో కనిపిస్తున్నాడు. అయితే ముఖం మొత్తం డార్క్‌ షేడ్‌లోనే చూపించారు. ప్రశాంత్‌ నీల్‌ లుక్స్‌ అన్నీ అలానే ఉంటాయి కూడా. మరిప్పుడేమో ఆ బ్యాక్‌డ్రాప్‌ కాదు అంటున్నారు. దీంతో అసలు ఈ విషయం నిజమా కాదా అని ప్రశాంత్‌ నీల్‌ చెప్పాలి అని అంటున్నారు (Jr NTR) తారక్‌ ఫ్యాన్స్‌.
‘జవాన్’ ట్రైలర్ పై ట్రెండ్ అవుతున్న 15 మీమ్స్!
ఇప్పటికీ రిలీజ్ కి నోచుకోని 10 క్రేజీ సినిమాల లిస్ట్..!
ఈ వీకెండ్ కి ధియేటర్/ఓటీటీలో రిలీజ్ కాబోతున్న 15 సినిమాలు/ సిరీస్ ల లిస్ట్..!
