రాజమౌళి దర్శకత్వంలో ఎన్టీఆర్, చరణ్ కలిసి నటిస్తున్న ఆర్ఆర్ఆర్ సినిమా రిలీజ్ డేట్ కు సంబంధించి క్లారిటీ వచ్చింది. 2022 సంవత్సరం జనవరి 7వ తేదీన ప్రపంచవ్యాప్తంగా ఆర్ఆర్ఆర్ రిలీజ్ కానుంది. ఆర్ఆర్ఆర్ రిలీజ్ డేట్ వల్ల మహేష్ బాబు నటిస్తున్న సర్కారు వారి పాట, పవన్ నటిస్తున్న భీమ్లా నాయక్ సినిమాల రిలీజ్ డేట్స్ మారనున్నాయని ప్రచారం జరుగుతోంది. మహేష్, పవన్ కళ్యాణ్ అభిమానులు ఈ విషయం తెలిసి ఫీలవుతున్నారు.
అయితే ఆర్ఆర్ఆర్ జనవరి 7వ తేదీన విడుదలైనా భారీ బ్లాక్ బస్టర్ టాక్ వస్తే మాత్రమే ఆ సినిమాకు రికార్డు స్థాయిలో కలెక్షన్లు వచ్చే అవకాశం ఉంటుంది. ఆర్ఆర్ఆర్ ఏ మాత్రం అంచనాలను అందుకోలేకపోయినా తెలుగులో రాధేశ్యామ్, తమిళంలో వాలిమై, హిందీలో పలు సినిమాల నుంచి ఆర్ఆర్ఆర్ కు భారీ షాక్ తగిలే అవకాశాలు అయితే ఉంటాయి. ఆర్ఆర్ఆర్ సినిమా టాక్ అటూఇటూ అయితే మాత్రం రికార్డులు క్రియేట్ చేయడం కష్టమేనని కామెంట్లు వినిపిస్తున్నాయి.
ఎన్టీఆర్, చరణ్ మాత్రం ఆర్ఆర్ఆర్ తో ఇండస్ట్రీ హిట్ ఖాతాలో చేరుతుందని భావిస్తున్నారు. రిలీజ్ డేట్ ను ప్రకటించడంతో త్వరలో ఆర్ఆర్ఆర్ ప్రమోషన్స్ కూడా మొదలవుతాయని తెలుస్తోంది. భారీ బడ్జెట్ తో తెరకెక్కుతున్న ఆర్ఆర్ఆర్ మూవీలో జక్కన్న కమర్షియల్ అంశాలకు పెద్దపీట వేశారని తెలుస్తోంది. ప్రేక్షకులకు గూస్ బంప్స్ వచ్చే సన్నివేశాలు సినిమాలో ఎక్కువగానే ఉంటాయని సమాచారం అందుతోంది. అలియా భట్, ఒలీవియా మోరిస్ ఈ సినిమాలో హీరోయిన్లుగా నటించగా శ్రియ కీలక పాత్రలో నటిస్తున్నారు.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home