అభిమాన కథానాయకుడు తమతో మాట్లాడితే చాలు… బోలెడంత ధైర్యం వచ్చేస్తుంది. అలాంటిది కష్ట మసయంలో ఉన్నప్పుడు మాట్లాడితే… ఆ ధైర్యం రెండు, మూడింతల బలం ఇస్తుంది. తాజాగా ఇలాంటి బలాన్ని, ధైర్యాన్ని తన అభిమానిలో నూరిపోశారు యంగ్ టైగర్ ఎన్టీఆర్. అనారోగ్యంతో బాధపడుతున్న తన అభిమానికి ఫోన్‌ చేసి మాట్లాడారు. తారక్‌ వీడియో కాల్‌ మాట్లాడుతుండగా తీసిన వీడియో ఒకటి ఇప్పుడు వైరల్‌గా మారింది. తూర్పు గోదావరి జిల్లా రాజోలు మండలానికి చెందిన మురళీకి ఎన్టీఆర్ అంటే చాలా ఇష్టం.
చాలా ఏళ్లుగా ఆయన్ని అభిమానిస్తున్నారు. అయితే ఇటీవల మురళీ ప్రమాదవాశాత్తు గాయపడ్డాడు. విషయం తెలుసుకున్న ఎన్టీఆర్.. మురళికి వీడియో కాల్‌ చేసి మాట్లాడారు. సంపూర్ణ ఆరోగ్యంతో ఆసుపత్రి నుండి డిశ్చార్జి కావాలని ఎన్టీఆర్ ఆకాంక్షించారు. అభిమానులకి అండగా ఉండే ఎన్టీఆర్‌కు… మురళి కుటుంబ సభ్యులు, బంధుమిత్రులు ధన్యవాదాలు తెలిపారు. గతంలోనూ ఎన్టీఆర్ అభిమానులపై ఇలాంటి ప్రేమను చూపించిన సందర్భాలు ఉన్నాయి. గతేడాది నవంబరులో కూడా ఓ అభిమానితో ఎన్టీఆర్ వీడియో కాల్‌లో మాట్లాడారు.
మస్క్యులర్‌ డిస్ట్రోపీతో బాధపడుతున్న వెంకన్న అభిమానితో మాట్లాడిన వీడియో అప్పుడు వైరల్‌గా మారింది. ఇప్పుడు మరోసారి ఎన్టీఆర్ తన అభిమానితో మాట్లాడి ఎందరికో ఆదర్శంగా నిలిచారు.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
