సూపర్ స్టార్ రజినీకాంత్ తాజాగా నటిస్తోన్న చిత్రం ‘కబాలి’. ఈ సినిమాలో ఓ పోస్టర్ ను బాలీవుడ్ లో ఇర్ఫాన్ ఖాన్ నటించిన ‘మదారి’ సినిమా నుండి కాపీ కొట్టారనే విమర్శలు వచ్చాయి. అందులో ఇర్ఫాన్ కనిపించే స్టైల్ ను మార్ఫ్ చేసి రజనీ ఫొటోను అతికించినట్టుగా ఉంటుందీ పోస్టర్. అయితే ఈ వివాదం పై కబాలి నిర్మాత కళైపులి థాను ఫైరయ్యారు.
‘కబాలి’కి సంబంధించి ఏ పోస్టర్ విషయమై చర్చ జరుగుతుందో, అది అభిమానులు తయారుచేసిన పోస్టర్ అని అన్నారు. ఈ సినిమాలో అసలు ఆలాంటి పోస్టర్ డిజైన్ చేయలేదని చెప్పారు. అసలు విషయం తెలియకుండా విమర్శలు చేయద్దు. ఆ పోస్టర్ కు మాకు సంబంధం లేదు. అది మా క్రియేటివి కాదు. ఎవరో ఫ్యాన్స్ అలా మార్ఫ్ చేశారు. నిజాలు తెలుసుకోకుండా వివాదం రేపడం కరెక్ట్ కాదని క్లారీటీ ఇచ్చారు నిర్మాత. మరి ఇకనైనా ఈ విమర్శలకు బ్రేక్ పడుతుందేమో చూడాలి..!
