చిరు పక్కన కాజల్ కన్ఫామ్

మెగాస్టార్ చిరంజీవి ప్రతిష్టాత్మక చిత్రంలో ప్రధాన కథానాయిక ఖరారు అయింది. మాస్ డైరక్టర్ వి.వి.వినాయక్ దర్శకత్వంలో వేగంగా షూటింగ్ జరుగుతున్న ఈ సినిమాలో హీరోయిన్ గా కాజల్ అగర్వాల్ ను ఎంపిక చేశారు. మగధీరలో మిత్రవిందగా మెగా పవర్ స్టార్ రామ్ చరణ్ కి హిట్ ఇచ్చిన ఈ భామ ఆ తర్వాత నాయక్, ‘గోవిందుడు అందరివాడేలే’ సినిమాల్లో ఆడి పాడింది. చెర్రీ నిర్మాతగా మారి నిర్మిస్తున్న తొలి సినిమాలోను అదృష్ట లేడీ కాజల్ ను తీసుకోవాలని భావించాడు.

కొన్ని రోజుల క్రితం ఆమెను సంప్రదిస్తే రెమ్యునరేషన్ 2.5 కోట్లు డిమాండ్ చేసింది. అంత ఇచ్చుకోలేమని పక్కన పెట్టారు. ఈ ఏడాది కాజల్ నటించిన సర్దార్ గబ్బర్ సింగ్, బ్రహ్మోత్సం సినిమాలు విజయం అందుకోలేక పోయింది. వాటికి రెండుకోట్లు అందుకున్న ఈ భామ పారితోషికంలో వెనక్కి తగ్గలేదు. రామ్ చరణ్ మరోసారి అడిగేసరికి కాజల్ దిగి వచ్చి 1.5 కోట్లకు సైన్ చేసింది. చిరు 150 వ చిత్రానికి ప్రధాన సమస్య తీరిపోవడంతో మెగా అభిమానులు ఆనందపడుతున్నారు.

కాజల్, మెగాస్టార్ల మధ్య రొమాన్స్ చాలా బాగుంటుందని అభిప్రాయం వ్యక్తం చేస్తున్నారు. చిరంజీవి సినిమాలో అవకాశం కొట్టేసిన కాజల్ ఈ చిత్రంతో తన కెరీర్ ను మరికొంతకాలం పొడిగించుకుంటుందని సినీ విశ్లేషకులు భావిస్తున్నారు. దేవి శ్రీ ప్రసాద్ సంగీతం అందిస్తున్న ఈ సినిమాను సంక్రాంతికి విడుదల చేయనున్నారు.