గూఢచారి పాత్రలో స్టార్ హీరోయిన్!

టాలీవుడ్ లో కాజల్ హీరోయిన్ గా ఎంట్రీ ఇచ్చి పదిహేనేళ్లు కావొస్తుంది. ఇప్పటికీ హీరోయిన్ గా అవకాశాలు దక్కించుకుంటూ కెరీర్ లో దూసుకుపోతుంది. రీసెంట్ గా పెళ్లి చేసుకున్న ఈ బ్యూటీ ఇక సినిమాలను వదిలేస్తుందేమో అనుకున్నారు. కానీ ఆమె సరికొత్త పాత్రలను ఎన్నుకుంటూ ప్రేక్షకులను ఎంటర్టైన్ చేయాలని నిర్ణయించుకుంది. ప్రస్తుతం ఈ బ్యూటీ నటించిన ‘మోసగాళ్ళు’ సినిమా ప్రేక్షకుల ముందుకు వచ్చింది. ఇదిలా ఉండగా.. ఈ బ్యూటీ నాగార్జున సినిమాలో నటిస్తున్నట్లు వెల్లడించిన సంగతి తెలిసిందే.

నాగార్జునపై అప్పట్లో తనకు క్రష్ ఉండేదని.. ఇన్నాళ్లకు ఆయనతో కలిసి పని చేసే ఛాన్స్ వచ్చిందని మురిసిపోతుంది. అయితే ఈ సినిమాలో కాజల్ నటించడానికి కేవలం నాగ్ మాత్రమే కారణం కాదు. ఆమె క్యారెక్టర్ డిజైనింగ్ కూడా చాలా బాగుంటుందట. ప్రవీణ్ సత్తారు డైరెక్ట్ చేస్తోన్న ఈ సినిమాలో కాజల్ గూఢచారిగా కనిపించబోతుందని సమాచారం. కాజల్ ఇప్పటివరకు తన కెరీర్ లో ఇలాంటి పాత్రలో కనిపించలేదు. అందుకే ఈ సినిమా చేయడానికి అంగీకరించింది. సినిమాలో కాజల్ రా-ఏజెంట్ గా కనిపిస్తుందట.

నాగార్జున ఎక్స్ రా-ఏజెంట్ గా కనిపిస్తాడు. నాగార్జునకి పూర్తి స్థాయిలో సహకారం అందించే పాత్రలో కాజల్ కనిపించనుంది. పూర్తి స్థాయి యాక్షన్ డ్రామాగా ఈ సినిమాను రూపొందిస్తున్నారు. రా-ఏజెంట్ గా కనిపించడం కోసం కాజల్ ఇప్పటినుండే ట్రైనింగ్ తీసుకుంటుంది. వెపన్స్ ఎలా హ్యాండిల్ చేయాలనే విషయాలతో పాటు.. మార్షల్ ఆర్ట్స్ లో శిక్షణ తీసుకుంటుందట. ఈ ట్రైనింగ్ పూర్తయిన వెంటనే నాగార్జున-ప్రవీణ్ సత్తారు సినిమా సెట్స్ పైకి వెళ్లనుంది.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!