కోలీవుడ్ లెజెండరీ యాక్టర్ కమల్ హాసన్ గురించి ప్రత్యేకంగా చెప్పాల్సిన పనిలేదు. కోలీవుడ్ ఇండస్ట్రీలో స్టార్ హీరోగా ఎంతో మంచి గుర్తింపు సంపాదించుకున్నటువంటి కమల్ హాసన్ ఇతర భాషలలో కూడా అదే స్థాయిలో అభిమానులను సొంతం చేసుకున్నారు. ఇలా ఇప్పటికి వరుస సినిమాలలో నటిస్తూ కెరియర్ పరంగా ఎంతో బిజీగా ఉన్నటువంటి ఈయన మరోవైపు రాజకీయాలలో కూడా కొనసాగుతూ ఉన్నారు. ఇక గత ఏడాది విక్రమ్ సినిమా ద్వారా భారీ బ్లాక్ బస్టర్ సొంతం చేసుకున్నటువంటి కమల్ హాసన్ తన తదుపరి చిత్రాన్ని మణిరత్నం దర్శకత్వంలో చేయబోతున్నారు.
ప్రభాస్ హీరోగా నటిస్తున్నటువంటి కల్కి సినిమాలో కూడా ఈయన నెగిటివ్ పాత్రలో నటించబోతున్నారని తెలుస్తోంది. ఇలా కెరియర్ పరంగా కమల్ హాసన్ ప్రస్తుతం ఎంతో బిజీగా ఉన్నారు. ఇకపోతే తాజాగా కమల్ హాసన్ ఆస్తుల విలువ గురించి ఒక వార్త సోషల్ మీడియాలో వైరల్ గా మారింది. గత నివేదికల ప్రకారం కమల్ హాసన్ భారీ స్థాయిలో ఆస్తులను సంపాదించారని తెలుస్తోంది. ఆస్తులతో పాటు ఖరీదైన విల్లాలు కార్లు కూడా ఈయన దగ్గర ఉన్నట్టు సమాచారం.
తాజా నివేదికల ప్రకారం ఇప్పటివరకు దాదాపు రూ.177 కోట్లు సంపాదించినట్లు సమాచారం. అలాగే లగ్జరీ ప్రాపర్టీలు, కార్లు కూడా ఉన్నాయని తెలుస్తోంది. ప్రస్తుతం కమల్ హాసన్ చెన్నైలో కొన్ని కోట్ల విలువ చేసే ఖరీదైన ఇంటిలో ఉన్నారని తెలుస్తుంది. దీనితో పాటు మరో 19 కోట్ల రూపాయల విలువ చేసే ఫ్లాట్ కూడా ఈయనకు చెన్నైలో ఉందని సమాచారం.
ఇక ఈయనకు చెన్నైలో సుమారు 92 కోట్ల విలువ చేసే ఆస్తిపాస్తులు వ్యాపారాలు కూడా ఉన్నట్లు తెలుస్తోంది. చెన్నైలోనే కాకుండా ఈయనకి లండన్‌లో ఖరీదైన ఇల్లు కూడా ఉంది. ఆ ఇంటి ధర రూ.2.5 కోట్లు ఉంటుందని సమాచారం. ఇక కమల్ హాసన్ వద్ద చాలా లగ్జరీ కార్లు ఉన్నాయి. BMW 730LD, లెక్సస్ Lx 570, ఇతరత్రా కలిగి ఉన్నాడు. వాటి ధర రూ.3.69 కోట్లు వరకు ఉంటుందని సమాచారం.
ఇలా సినిమాలలో కొనసాగుతూనే కమల్ హాసన్ భారీ స్థాయిలో సంపాదించారని తెలుస్తుంది. ఇక ఈయన మరోవైపు బిగ్ బాస్ కార్యక్రమానికి కూడా వ్యాఖ్యతగా వ్యవహరిస్తున్న సంగతి తెలిసిందే. ఈ కార్యక్రమానికి యాంకర్ గా చేసినందుకుగాను (Kamal Haasan) కమల్ హాసన్ సుమారు 15 కోట్ల వరకు రెమ్యూనరేషన్ తీసుకున్నట్లు తెలుస్తోంది.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
Home
