సినిమా నిడివి పెరిగితే… ఎడిట్‌ టేబుల్‌ మీద కత్తెరేస్తారు. ఇంకా ఎక్కువ నిడివి ఉండిపోతే… అభిమానులకు ఆ విషయం చెప్పేస్తారు. అలా మూడు గంటల సినిమాలు చాలా వచ్చాయి. ఇంకా పెద్ద సినిమాలకు రెండు ఇంటర్వెల్స్‌ ఇచ్చి మరీ సినిమాలు విడుదల చేశారు. అయితే ఇప్పుడు పరిస్థితి మారింది. నిడివి పెరిగితే కత్తిరించడం కాదు, ఏకంగా రెండు ముక్కలు చేసేస్తున్నారు. అలా ఓ సినిమా ఇప్పుడు సిద్ధమవుతోందట. భారతీయ సినిమాలో రెండు పార్టులుగా వచ్చిన రీసెంట్‌ సినిమా అంటే ‘బాహుబలి’ అనే చెప్పాలి.
సినిమాకొచ్చిన పేరు కారణంగా… చిత్రబృందం రెండు పార్టులు చేయడానికి పెద్దగా ఆలోచించలేదు. ‘రెండు భాగాలు వస్తున్నాం’ అంటూ ప్రకటించేశారు. అలానే తెచ్చి హిట్ కొట్టారు. ఆ తర్వాత చాలా రోజులకు మొన్నీమధ్య ‘పుష్ప’ సినిమాను రెండు భాగాలుగా విడుదల చేస్తాం అని ప్రకటించారు. ఆ సినిమాకున్నంత హైప్ ఈ సినిమాకు లేదు. కానీ సుకుమార్‌, బన్నీని నమ్మి అలా చేస్తున్నారు. తాజాగా మరో సినిమా రెండుగా రావడానికి సిద్ధమవుతోంది.
అదే ‘విక్రమ్‌’. అవును కమల్ హాసన్‌ – లోకేశ్‌ కనగరాజ్‌ కాంబినేషన్‌లో రూపొందుతున్న ఈ సినిమాను రెండు భాగాలుగా విడుదల చేయాలని అనుకుంటున్నారట. ఇప్పటికే చిత్రీకరించిన రషెష్‌ను ఎడిట్‌ చేసి సిద్ధం చేస్తే… నాలుగున్నర గంటలు వస్తోందట. దీంతో సినిమాను రెండు భాగాలు విడదీసి, విడుదల చేద్దాం అని అనుకుంటున్నారట. దీనిపై త్వరలో స్పష్టత వస్తుంది.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
