బాలీవుడ్‌లో ప్రముఖ టాక్‌ షో అయిన కాఫీ విత్‌ కరణ్ కాస్త బోల్డ్‌గా ఉంటుంది. ఇండస్ట్రీలో ఉన్న మనిషి, అందరితో స్నేహం ఎక్కువగా ఉండే దర్శకనిర్మాత కావడంతో కరణ్ జోహార్ అంటే చాలామందికి అభిమానం. దాంతోపాటు అతనికి చాలా విషయాలు తెలుస్తాయి. అలాగే అతను అడిగితే.. గెస్ట్‌లు పెద్దగా హర్ట్‌ అవ్వరు కూడా. టీవీలోనే ఇంత బోల్డ్‌గా ఉండే ఈ షో.. ఇప్పుడు ఓటీటీల్లోకి వచ్చేసింది. దీంతో బోల్డ్‌నెస్‌ పెరిగింది. కరణ్ జోహార్ ప్రశ్నలు కాస్త వేడెక్కుతున్నాయి.
ఇప్పటివరకు స్ట్రీమ్‌ అయిన ఎపిసోడ్‌లను గమనిస్తే.. అన్నింటిలో కచ్చితంగా డేటింగ్‌, పాత లవర్లు, సెక్స్‌, రిలేషన్‌ షిప్‌ అంటూ వేడి వేడి టాపిక్‌లే మాట్లాడుతున్నాడు కరణ్. ముఖ్యంగా సెex అంటూ క్లియర్‌గా ప్రశ్నలు వేస్తున్నాడు. ఇప్పటివరకు వచ్చిన గెస్ట్‌లు రణ్‌వీర్‌ సింగ్, ఆలియా భట్‌, విజయ్‌ దేవరకొండ లాంటి వాళ్లు ఈ ప్రశ్నకు కాస్త కూల్‌గా సమాధానమివ్వగా లేటెస్ట్‌ గెస్ట్‌లు కరీనా కపూర్, ఆమిర్ ఖాన్ మాత్రం కాస్త గట్టిగానే రిటార్ట్‌ ఇచ్చారు. దీంతో ఆశ్చర్యపోవడం కరణ్ వంతు అయ్యింది.
‘లాల్ సింగ్ చడ్డా’ ప్రచారంలో భాగంగా కరీనా కపూర్, ఆమిర్ ఖాన్ కాఫీ విత్‌ కరణ్ షోలో పాల్గొన్నారు. ఇందులో భాగంగా ప్రశ్నలు, ర్యాపిడ్‌ ఫైర్‌లా అడుగుతూ.. పెళ్లై పిల్ల‌లున్న క‌రీనాను ఉద్ధేశించి ‘పిల్ల‌లు పుట్టిన తర్వాత క్వాలిటీ సెex ఉంటుందా?’ అని అడిగాడు. దానికి ‘నీకు తెలీదా?’ అంటూ క‌ర‌ణ్‌ను కరీనా ఎదురు ప్ర‌శ్నించింది. అప్పుడు ‘ఈ షో మా అమ్మ చూస్తుంది’ అంటూ మాట దాటేయబోయాడు కరణ్. వెంటనే పక్కనున్న ఆమిర్ అందుకుంటూ.. ‘వేరే వాళ్ల సెex లైఫ్ గురించి మాట్లాడ‌టాన్ని మీ త‌ల్లి హ‌ర్షిస్తుందా?’ అంటూ కరీనాతో మాట కలిపాడు.
దీంతో కరణ్‌కు గట్టి కౌంటరే పడిందని, ఇకనైనా ఇలాంటి ప్రశ్నలు షోలో అడగడం మానేయాలని సోషల్‌ మీడియాలో సూచనలు కనిపిస్తున్నాయి. మరి వీటిని కరణ్ పట్టించుకుంటాడా, లేక ఎప్పటిలానే పెడచెవిన పెడతాడా అనేది చూడాలి. ఆరు సీజన్లపాటు టీవీ వేదికగా అలరించిన ‘కాఫీ విత్‌ కరణ్’ తాజా సీజన్‌ ఓటీటీ ‘డిస్నీ ప్లస్‌ హాట్‌స్టార్‌’లో ప్రసారమవుతోంది. ఆమిర్, కరీనా ఎపిసోడ్‌ ఈ గురువారం టెలీకాస్ట్‌ అవుతుంది.
Most Recommended Video
అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home