‘ఆర్ఎక్స్100’ సినిమాతో హీరోగా మంచి సక్సెస్ అందుకున్నారు కార్తికేయ. ఈ సినిమా తరువాత కార్తికేయకి చాలా అవకాశాలు వచ్చాయి. హీరోగా, విలన్ గా సినిమాలు చేస్తున్నాడు. కానీ ఏదీ కూడా సరైన సక్సెస్ ను తీసుకురాలేదు. ఆయన పెర్ఫార్మన్స్ కి మంచి మార్కులు పడుతున్నప్పటికీ.. స్టార్ ఇమేజ్ అందుకోలేకపోతున్నాడు. భారీ అంచనాల మధ్య విడుదలైన ‘గ్యాంగ్ లీడర్’ సినిమా కూడా నిరాశనే మిగిల్చింది. ఇదిలా ఉండగా.. రీసెంట్ గా ఈ హీరో తమిళంలో తమిళ స్టార్ హీరో అజిత్ నటించిన ‘వలిమై’ సినిమాలో ప్రధాన పాత్ర పోషించారు.
ఈ సినిమాపై ఆయన చాలా ఆశలు పెట్టుకున్నారు. ఈ సినిమా గురించి, తన పాత్ర గురించి చాలా గొప్పగా చెబుతూ వచ్చాడు కార్తికేయ. కానీ చివరికి ఈ సినిమా చూసిన తెలుగు ప్రేక్షకులు నిట్టూరుస్తున్నారు. కార్తికేయ ఎగ్జైట్ అయినంతగా ఈ సినిమాలో ఏం లేదంటూ తేల్చేస్తున్నారు. తెలుగులో ఇలాంటి సినిమాలు, ఇలాంటి పాత్రలు చాలానే చూశామని కామెంట్స్ చేస్తున్నారు. మన వాళ్లకు ఈ సినిమా పెద్దగా ఎగ్జైట్మెంట్ ఇవ్వలేకపోయింది.
అయితే ఈ సినిమా కోసం కార్తికేయ చాలా కష్టపడ్డాడు. అతడికి మామూలుగానే తన బాడీ ఒక ప్లస్ పాయింట్. ఈ సినిమా కోసం మరింతగా ఫిజిక్ పెంచాడు. ప్రతి సన్నివేశంలో తన ఫిజిక్ తో, స్క్రీన్ ప్రెజన్స్ తో ఆకట్టుకున్నారు. కార్తికేయ రోల్ కాస్త వీక్ గా ఉన్నప్పటికీ.. తన పాత్రకు హైలైట్ చేయడానికి మాత్రం బాగానే కష్టపడ్డాడు. కొన్ని చోట్ల అజిత్ ని సైతం డామినేట్ చేశాడు.
కానీ ఇంత కష్టపడినప్పటికీ అతడి పాత్ర మాత్రం అనుకున్నంత ఇంపాక్ట్ చూపించలేకపోయింది. అజిత్ ని హైలైట్ చేయాలనే ఉద్దేశంతో కార్తికేయ పాత్రను తక్కువగా రాసుకున్నాడు దర్శకుడు. కోలీవుడ్ లో మాత్రం ఈ సినిమాకి మంచి రెస్పాన్స్ వస్తోంది.
Most Recommended Video
‘భీమ్లా నాయక్’ తో పాటు పవన్ హీరోగా రీమేక్ అయిన 12 సినిమాల లిస్ట్..!
తమిళంలో సత్తా చాటిన తెలుగు సినిమాలు … టాప్ 10 లిస్ట్ ఇదే ..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
