బాహుబలి 2 తో పోటీ పడుతున్న కాటమరాయుడు

ఐదు రోజుల క్రితం విడుదలయిన బాహుబలి కంక్లూజన్ యూట్యూబ్ లో సంచలనం సృష్టించింది. అత్యధికంగా వ్యూస్ రాబట్టుకొని ఇదివరకు ఉన్న రికార్డులన్నింటినీ తిరగరాసింది. ఆ ట్రైలర్ దరిదాపుల్లోకి ఏ సినిమా వెళ్లలేదని సినీ విశ్లేషకులు అంచనా వేశారు. వారి అంచనాలను పవర్ స్టార్ పవన్ కళ్యాణ్ సినిమా కాటమరాయుడు ట్రైలర్ తలకిందులు చేసింది. బాహుబలి 2 తెలుగు ట్రైలర్ ఐదు రోజుల్లో 5 లక్షల లైక్లు అందుకోగా, కాటమరాయుడు ట్రైలర్ విడుదలై 48 గంటలు కూడా కాకముందే లక్ష డెబ్భై వేల లైకులు అందుకుంది. కొన్ని గంటల్లోనే 2 లక్షల మార్క్ ని క్రాస్ చేస్తుంది. ఈ జోరుచూస్తుంటే మరో రెండురోజుల్లో బాహుబలి 2 రికార్డును దాటేయడం గ్యారంటీ.

ఇప్పటికే నాలుగురోజుల్లో ట్రెండింగ్ లో ఉన్న బాహుబలిని పక్కకి తోసి నంబర్ వన్ స్థానాన్ని కైవశం చేసుకున్న కాటమరాయుడు లైకులు విషయంలో బాహుబలిని మించి పోతాడనడంలో ఎటువంటి సందేహం అవసరం లేదు.  డాలీ దర్శకత్వంలో శరత్ మరార్ నిర్మించిన కాటమరాయుడు పవర్ చూపించడానికి ఈ నెల 24న థియేటర్లోకి వస్తున్నాడు.

Also, do SUBSCRIBE to our YouTube channel to get latest Tollywood updates.