పవర్ స్టార్ పవన్ కల్యాణ్, మాటల మాంత్రికుడు త్రివిక్రమ్ శ్రీనివాస్ కాంబినేషన్లో రూపొందుతున్న మూడో చిత్రం ‘అజ్ఞాతవాసి’. హాసిని అండ్ హారిక క్రియేషన్స్ బ్యానర్లో రాధాకృష్ణ వంద కోట్ల బడ్జెట్ తో నిర్మిస్తున్న జనవరి 10 న రిలీజ్ కాబోతోంది. ఇందులో హీరోయిన్స్ గా అను ఇమ్యానుయేల్, కీర్తి సురేష్ నటిస్తున్నారు. అయితే కీర్తి, పవన్ మధ్య వచ్చే సన్నివేశాలు చాలా కామెడీగా ఉంటాయని చిత్ర బృందం తెలిపింది. కీర్తి ఇందులో పవన్ కి మరదలిగా నటిస్తుందని వెల్లడించింది.
అత్తారింటికి దారేదిలో సమంత, పవన్ మధ్య కూడా రొమాన్స్ కంటే హాస్యాన్ని ఎక్కువగా చూపించారు త్రివిక్రమ్. ఇందులో కామెడీ కొంచెం ఎక్కువగా ఉంటుందని సమాచారం. కుష్బూ కీలక రోల్ పోషిస్తున్న ఈ చిత్రం ట్రైలర్ నేడు రిలీజ్ అవుతుందని అభిమానులు ఎదురుచూస్తున్నారు. ఇక పవన్ కళ్యాణ్ పాడిన పాట కొత్త సంవత్సర కానుకగా రిలీజ్ చేయనున్నారు. తమిళ సంగీత దర్శకుడు అనిరుద్ స్వరపరిచిన పాటలు కొత్తగా ఆకట్టుకుంటున్నాయి. జల్సా, అత్తారింటికి దారేది వంటి సూపర్ హిట్ కాంబినేషన్లో వస్తున్న ఈ సినిమాపై అంచనాలు భారీ స్థాయిలో ఉన్నాయి.
Home