Paradise: హీరోయిన్‌ని ఐటమ్‌ హీరోయిన్‌గా మార్చేసిన నాని.. త్వరలో షూట్‌

‘ది ప్యారడైజ్‌’ సినిమా గురించి గత కొన్ని రోజులుగా రకరకాల వార్తలు వస్తున్నాయి. అయితే అవన్నీ సినిమా వాయిదా రిలేటెడ్‌వి. సినిమా అనుకున్న సమయానికి రాకపోవచ్చు, సినిమా ఆ తేదీకి రావొచ్చు లాంటి మాటలే వినిపించాయి. ఇప్పుడు తొలిసారిగా ఈ సినిమా నుండి పాజిటివ్‌ అప్‌డేట్‌ వచ్చింది. అదే ఈ సినిమాలో ఐటెమ్‌ సాంగ్‌ గురించి. గత కొన్ని రోజులుగా ఐటెమ్‌ సాంగ్‌ కోసం ఓ హీరోయిన్‌ కోసం వెతుకుతున్న సినిమా టీమ్‌ ఫైనల్‌గా తన పాత హీరోయిన్‌నే ఓకే చేసింది.

Keerthy Suresh

నాని హీరోగా శ్రీకాంత్‌ ఓదెల దర్శకత్వంలో రూపొందుతున్న సినిమా ‘ది ప్యారడైజ్‌’. ‘దసరా’ సినిమా తర్వాత ఈ ఇద్దరి నుండి వస్తున్న రెండో సినిమా ఇది. ప్రస్తుతం చిత్రీకరణ ముగింపు దశలో ఉన్న ఈ సినిమా పాటల చిత్రీకరణకు టీమ్‌ సిద్ధమవుతోంది. ఈ క్రమంలో త్వరలో ప్రత్యేక గీతం షూటింగ్‌ చేస్తారట. దీని కోసం హైదరాబాద్‌లో ఓ భారీ సెట్‌ని సిద్ధం చేస్తున్నారట. అందులో నాని సరసన కీర్తి సురేశ్‌ పేరు చిందేయనుంది. పూర్తి మాస్‌ నెంబర్‌ను కంపోజ్‌ చేస్తున్నారట.

ఈ సినిమా మార్చి ఆఖరి వారం నుండి వాయిదా పడింది. ఆ తర్వాత కొన్ని డేట్స్‌ చెప్పినా ఏవీ ఓకే అవ్వలేదు. ఇప్పుడు ఆగస్టు తొలి వారంలో ఓ టీజర్‌తో సినిమా విడుదల తేదీపై స్పష్టత ఇచ్చే అవకాశముంది. అది సెప్టెంబరు ఎండింగ్‌ అని సమాచారం. ఇక సినిమా విషయానికొస్తే 1980ల నాటి సికింద్రాబాద్‌ నేపథ్యంలో సాగే పీరియాడిక్‌ యాక్షన్‌ డ్రామా ఈ సినిమా. ఇందులో జడల్‌ అనే విభిన్నమైన పాత్రలో నాని కనిపిస్తాడు. మోహన్‌బాబు విలన్‌ కాగా, కయాదు లోహర్‌ కథానాయిక.

సినిమాను చాలా భాషల్లో రీమేక్‌ చేస్తారని టీమ్‌ గత కొన్ని రోజులుగా చెబుతోంది. అయితే ఈ మధ్య ఆ డబ్బింగ్‌ మాటలు లేవు. మరి అప్పటి మాట మీదే సినిమా టీమ్‌ నిలబడుతుందా అనేది చూడాలి.

‘రామాయణ’ ట్రైలర్‌ రివ్యూ: సిల్వర్ స్క్రీన్‌పై విజువల్ వండర్!