ఖైదీ నంబర్ 150 ట్రైలర్ రివ్యూ

“బాస్ ఈజ్ బ్యాక్ గెట్ రెడీ …” అంటూ రికార్డులు తిరగరాయడానికి, బాక్స్ ఆఫీస్ దుమ్ము దులపడానికి ఖైదీ నంబర్ 150 ట్రైలర్ శనివారం దూసుకొచ్చింది. 1 .46 నిముషాల నిడివిగల ఈ వీడియోలో మెగాస్టార్ చిరంజీవి తన పవర్ శాంపిల్ చూపించారు.  “నాది వన్ వే .. కష్టం వస్తుందో.. కార్పొరేట్ సిస్టం వస్తుందో రమ్మను..” అని చెప్పిన డైలాగ్ యాక్షన్ మోడ్ లోకి తీసుకెళుతోంది. “వడ్ల గింజల నుంచి తాలింపు గింజల దాకా.. కందిపప్పునుంచి కరివేపాకు దాకా, మిరప నుంచి మిరప దాకా ఆ పల్లెటూరినుంచే రావాలి” అంటూ గ్రామాలను మరువకూడదని, రైతులను కష్టపెట్టించకూడదనే చిరు సందేశం ఇచ్చారు.

చివరగా “పొగరు నా ఒంట్లో ఉంటది.. హీరోయిజం నా ఇంట్లో ఉంటది.. వెయిటింగ్” అని ట్రైలర్ ముగించి చిత్రంపై అంచనాలను పెంచారు. కేవలం యాక్షన్, సందేశాత్మక చిత్రం అనుకుంటే పొరపాటే చిరు అభిమానులు ఆశించే పాటలు, కామెడీ కూడా మిస్ కాలేదని ఈ వీడియో స్పష్టం చేసింది. మాస్ డైరక్టర్ వి.వి.వినాయక్ దర్శకత్వంలో  కొణిదెల ప్రొడక్షన్ బ్యానర్లో రామ్ చరణ్ తేజ్ నిర్మించిన ఈ మూవీ సంక్రాంతి కానుకగా జనవరి 11 న రిలీజ్ కానుంది.

Also, do SUBSCRIBE to our YouTube channel to get latest Tollywood updates.