బాలీవుడ్ హీరో రణబీర్ కపూర్ నటించిన ‘బ్రహ్మాస్త్ర’ సినిమా సెప్టెంబర్ 9న ప్రేక్షకుల ముందుకు రానుంది. ఇప్పుడు ఈ సినిమాకి సంబంధించిన హడావిడి పెద్దగా కనిపించినప్పటికీ.. రిలీజ్ దగ్గర పడే సమయానికి మాత్రం హైప్ ఓ రేంజ్ లో ఉంటుంది. తెలుగు వెర్షన్ కి రాజమౌళి సమర్పకుడిగా వ్యవహరించడం, నాగార్జున కీలకపాత్ర చేయడం ఇవన్నీ కూడా ఇక్కడ బిజినెస్ కి బాగా ఉపయోగపడే విషయాలే. నిర్మాత కరణ్ జోహార్ అన్ని భాషల్లో ఈ సినిమాను గ్రాండ్ గా రిలీజ్ చేయడానికి సన్నాహాలు చేస్తున్నారు.
‘ఆర్ఆర్ఆర్’, ‘కేజీఎఫ్2’లను మించి భారీ స్క్రీన్లలో ‘బ్రహ్మాస్త్ర’ను ప్రదర్శించేలా డిస్ట్రిబ్యూషన్ నెట్ వర్క్ ను ప్లాన్ చేసుకుంటున్నారు. అందుకే సౌత్ లో ఇప్పటివరకు ఈ సినిమాకి పోటీగా మరో సినిమా రావడం లేదు. కానీ ఓ చిన్న హీరో సినిమా మాత్రం ఈ సినిమాకి పోటీగా రాబోతుంది. కిరణ్ అబ్బవరం నటిస్తోన్న ‘నేను మీకు బాగా కావాల్సిన వాడిని’ అనే సినిమాను అదే సమయానికి రిలీజ్ చేయాలనుకుంటున్నారు.
శ్రీధర్ గాదె ఈ సినిమాను డైరెక్ట్ చేస్తున్నారు. నిజానికి ఈ సినిమాను ముందుగా మలయాళ దర్శకుడు కార్తిక్ శంకర్ డైరెక్ట్ చేశారు. కానీ తరువాత ఆయన్ను తప్పించి శ్రీధర్ గాదెను రంగంలోకి దింపారు. ఈరోజే సినిమా టీజర్ ని విడుదల చేశారు. టీజర్ ని బట్టి మాస్ ఆడియన్స్ ని టార్గెట్ చేసి ఈ సినిమాను తెరకెక్కించినట్లు తెలుస్తోంది. కానీ ‘బ్రహ్మాస్త్ర’ లాంటి సినిమాతో పోటీ పడే సత్తా ఈ సినిమాకి ఉందా అంటే చెప్పలేం.
అసలు కిరణ్ అబ్బవరం సినిమాలు థియేటర్లలో పెద్దగా ఆడడం లేదు. ఆయన నటించిన సెబాస్టియన్, సమ్మతమే సినిమాలు ప్లాప్ అయ్యాయి. ఇప్పుడు ‘నేను మీకు బాగా కావాల్సినవాడిని’తో పెద్ద క్లాష్ కి రెడీ అవుతున్నాడు ఈ హీరో.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
Home