Anil Ravipudi: బావమరిదికి హీరోయిన్‌ని ఫిక్స్‌ చేసిన అనిల్‌ రావిపూడి.. బావకి ఎవరో తెలుసా?

వచ్చే సంక్రాంతి లక్ష్యంగా పొంగల్‌ సినిమాల దర్శకుడు అనిల్‌ రావిపూడి ఓ సినిమాను తెరకెక్కిస్తున్న విషయం తెలిసిందే. వెంకటేశ్, కల్యాణ్‌రామ్‌ కథానాయకులుగా ఈ సినిమా రూపొందుతోంది. ఇప్పటికే ఈ సినిమా అధికారికంగా ఖరారైంది. ప్రస్తుతం పూర్వ నిర్మాణ పనులతోపాటు, నటీనటుల ఎంపిక కార్యక్రమం జోరుగా జరుగుతోంది. ఈ క్రమంలో ఇందులో కథానాయికలుగా నటించేది ఎవరన్నదే ఆసక్తికరంగా మారింది.ఓ కథానాయిక పాత్ర కోసం చిత్రబృందం ఇటీవల కీర్తి సురేశ్‌ని సంప్రదించినట్టు తెలిసింది.

Keerthy & Krithi

ఆమె ఓకే చెప్పారో లేదో తెలియదు కానీ.. ఇప్పుడు ఇంకో హీరోయిన్‌ విషయంలో కొత్త పుకార్లు మొదలయ్యాయి. కీర్తి సురేశ్‌ బదులు ఆ హీరోయిన్‌ని తీసుకుంటున్నారని కాదు.. ఆమెతోపాటు నటించడానికట. అన్నీ అనుకున్నట్లుగా జరిగితే ఇద్దరూ వదినా మరదళ్లుగా కనిపిస్తారట. ఎందుకంటే ఈ సినిమాలో ఇద్దరు హీరోలు బావాబామ్మర్దులుగా కనిపిస్తారని సమాచారం కాబట్టి. ఇక అసలు విషయానికొస్తే.. ఆ పాత్ర కోసం కృతి శెట్టి పేరు వినిపిస్తోంది.

ఇక ఈ సినిమా చిత్రీకరణను వేసవిలో స్టార్ట్‌ చేస్తారని తొలుత వార్తలొచ్చాయి. అయితే త్రివిక్రమ్‌ సినిమా ‘ఆదర్శ కుటుంబం ఏకే 47’ సినిమా పనులు ఇంకా అవ్వలేదు. ఆ లెక్కన ఈ సినిమా స్టార్ట్‌ అవ్వడం ఆలస్యమవుతుంది. అయితే ఏం జరిగినా సినిమాను వచ్చే సంక్రాంతికి కచ్చితంగా రిలీజ్‌ చేయాలని ఫిక్స్‌ అయ్యారు. అలాగే ఈ సినిమా టైటిల్‌లో సంక్రాంతి అనేది పక్కాగా ఉండేలా చూసుకుంటున్నారు.

ఇక ఈ సినిమా అనౌన్స్‌ చేసేటప్పుడు అనిల్‌ రావిపూడి.. ‘‘మొదటిసారి సినిమా తీసే అవకాశమిచ్చిన హీరో కల్యాణ్‌రామ్, మొదటి రూ.వంద కోట్ల సినిమా ఇచ్చిన హీరో వెంకటేశ్‌తో కలసి 2027 మొదటి పండక్కి మీ ముందుకొస్తున్నా’’ అని సోషల్‌ మీడియా పోస్టులో రాసుకొచ్చారు. ఇక పైన చెప్పినట్లుగా వెంకటేశ్‌ సరసన కీర్తి సురేశ్‌ నటించే అవకాశం ఉండగా.. కల్యాణ్‌రామ్‌ సరసన కృతి శెట్టి నటిస్తుంది. చూద్దాం మరి ఈ ఇద్దరు హీరోయిన్లతో అనిల్‌ రావిపూడి ఎలాంటి ప్రమోషనల్‌ వీడియోలు తీస్తారో? ఎందుకంటే ఆయన వాటికి కూడా ఫేమస్‌ కదా.

సిక్స్‌లు ఇక చాలు.. ఇప్పుడు కుస్తీ పట్లు… ‘పెద్ది’ పహిల్వాన్‌ పొగరు చూశారా?