Peddi Pehelwan Glimpse: సిక్స్‌లు ఇక చాలు.. ఇప్పుడు కుస్తీ పట్లు… ‘పెద్ది’ పహిల్వాన్‌ పొగరు చూశారా?

రామ్‌ చరణ్ గోడకు కొట్టిన బంతి లాంటివాడు.. ఎంత బలంగా కొడితే అంతే స్పీడ్‌గా వెనక్కి వస్తాడు. ఈ విషయంలో ఏవైనా డౌట్‌ ఉంటే.. ఆయన డిజాస్టర్‌ ఇచ్చిన తర్వాత చేసిన ఏ సినిమా అయినా చూడండి.. తన సత్తా ఏంటి అనేది తెలిసిపోతుంది. ఇప్పటికే పలుమార్లు ఈ ఫీట్‌ చేసిన రామ్‌ చరణ్‌ ఇప్పుడు మరోసారి అదే పని చేయబోతున్నాడు. అది ‘పెద్ది’ సినిమాతోనే అని మీకు అర్థమయ్యే ఉంటుంది.

Peddi Movie

ఇప్పటికే సినిమా నుండి బయటకు వచ్చిన లుక్‌, టీజర్‌, పాటలు.. ఒక్కటేంటి ప్రతిదీ చరణ్‌ సత్తా ఏంటో నిరూపించాయి. ఇప్పుడు వచ్చిన గ్లింప్స్‌ వాటన్నింటికి మించి ఉంది అంటే అతిశయోక్తి కాదు.ఒక్క 40 సెకన్ల గ్లింప్స్‌తో సినిమా ఫలితాన్ని అంచనా వేయొచ్చా అంటే.. అది ‘పెద్ది’ సినిమా గ్లింప్స్‌ అయితే కచ్చితంగా వేయొచ్చు. చరణ్‌ పొటెన్సియాలిటీ ఏంటి, పాత్ర కోసం చరణ్‌ పడ్డ కష్టమేంటి? సినిమా నేపథ్యం ఏంటి? సినిమా ట్విస్ట్‌ ఏంటి? ఇలా ప్రతి ప్రశ్నకు ఇందులో సమాధానం వచ్చేసింది.

ఇప్పటివరకు ‘పెద్ది’ అంటే క్రికెట్‌, మాస్‌ షాట్లు, సిక్సర్‌లు అనుకున్న వారికి.. గ్లింప్స్‌ టీజర్‌ ఫొటోతోనే సిక్స్‌లు ఇక చాలు.. కుస్తీ పట్లు మొదలు అని దర్శకుడు బుచ్చిబాబు సానా చెప్పుకొచ్చారు. ఇప్పుడు గ్లింప్స్‌లో పెద్దిని.. పెద్ది పహిల్వాన్‌ని చేసి చూపించాడు. గద పట్టుకుని కాస్త చీకటి, కాస్త వెలుతురులో చరణ్‌ని చూస్తుంటే ఆంజనేయుడే గద పట్టుకుని కూర్చున్నాడా అనేంతలా పాత్రను తీర్చిదిద్దారు బుచ్చిబాబు సానా. చరణ్‌ జుట్టు, గడ్డం పెంచి.. సిక్స్‌ ప్యాక్‌ చేసి బాడీ చూపిస్తే స్క్రీన్‌ బ్లాస్ట్‌ అవుతుంది అని అంటారు.

ఇప్పుడు గ్లింప్స్‌లో అదే కనిపించింది. కేవలం చరణ్‌ గురించే కాదు.. ఆ పాత్ర ఎందుకు క్రికెటర్‌ నుండి కుస్తీ యోధుడు అయ్యాడు అనేది ఒక్క డైలాగ్‌లోనే చెప్పించారు. ‘బంతితో బ్యాటుకు ఎదురెళ్లే ఆట కాదురా.. ప్రాణంతో సావుకి ఎదురెళ్లే ఆట. ఇప్పుడు సెప్పు ఉంటావా పోతావా’ అని విలన్‌ అంటే.. ‘సూడమ్మి ఆటే నా పొగరు’ అని పెద్ది రిప్లై ఇచ్చాడు. మరి ఆ పొగరు పవర్‌ ఏంటో.. వచ్చే నెల 30న తేలుతుంది.

‘వారణాసి’… రాజమౌళి కెరీర్లోనే మొదటిసారి ఇలా