Samantha, Vijay Devarakonda: సమంత సినిమా చెప్పిన టైంకి రాదా..?

September 16, 2022 / 07:42 PM ISTByFilmy Focus

Join Us

Samantha, Vijay Devarakonda: సమంత సినిమా చెప్పిన టైంకి రాదా..?

భారీ అంచనాల మధ్య విడుదలైన ‘లైగర్’ సినిమా డిజాస్టర్ కావడంతో తన తదుపరి సినిమాతో ఎలాగైనా హిట్ కొట్టాలని చూస్తున్నారు విజయ్ దేవరకొండ. ప్రస్తుతం ఆయన శివ నిర్వాణ దర్శకత్వంలో ‘ఖుషి’ అనే సినిమాలో నటిస్తున్నారు. ఇప్పుడు తన ఫోకస్ మొత్తం ఈ సినిమాపైనే ఉంది. డిసెంబర్ 23న ఈ సినిమాను రిలీజ్ చేయబోతున్నట్లు నిర్మాతలు ప్రకటించిన సంగతి తెలిసిందే. అయితే ఇప్పుడు సినిమా రిలీజ్ వాయిదా పడే ఛాన్స్ ఉందని అంటున్నారు.

కొన్ని కారణాల వలన సమంత ప్రస్తుతం ప్లాన్ చేసుకున్న షెడ్యూల్ కి హాజరు కాలేనని చెప్పిందట. అలా అయితే సినిమా చెప్పిన టైంకి పూర్తి కాకపోవచ్చు.వరుస ప్లాప్ లతో ఇబ్బంది పడుతున్న విజయ్ కి ‘ఖుషి’ సక్సెస్ అనేది చాలా ముఖ్యం. అసలే పవన్ కళ్యాణ్ కల్ట్ క్లాసిక్ టైటిల్ ను వాడుకుంటున్నారు. సినిమా రిజల్ట్ ఏమాత్రం తేడాగా వచ్చినా.. ట్రోలింగ్ షురూ అవుతుంది. ఈ సినిమాలో విజయ్ దేవరకొండ, సమంత కెమిస్ట్రీని కొత్తగా చూపిస్తున్నారట దర్శకుడు శివ నిర్వాణ.

ఇదివరకు ఆయన తీసిన ‘నిన్ను కోరి’, ‘మజిలీ’ మంచి హిట్స్ అందుకున్నాయి. ‘టక్ జగదీశ్’ మాత్రం వర్కవుట్ అవ్వలేదు. ఈ సినిమా విషయంలో శివ నిర్వాణ చాలా అప్సెట్ అయ్యారు. అందుకే ఈసారి ‘ఖుషి’తో హిట్ కొట్టాలని చూస్తున్నారు. ‘ఖుషి’ సినిమా లాక్ చేసుకున్న స్లాట్ లోనే అఖిల్ ‘ఏజెంట్’ సినిమా రిలీజయ్యే ఛాన్స్ ఉంది.

అదే సమయంలో ‘అవతార్ 2’, రణవీర్ సింగ్.. ‘సర్కస్’ సినిమాలు భారీ రిలీజ్ కు ప్లాన్ చేస్తున్నాయి. ఎలా చూసినా ‘ఖుషి’కి భారీ పోటీ తప్పేలా లేదు. కాబట్టి వచ్చే ఏడాది ఫిబ్రవరి లేదా వేసవికి ఈ సినిమాను రిలీజ్ చేసే ఛాన్స్ ఉంది. మరి ఈ విషయంలో నిర్మాతలు ఎలాంటి నిర్ణయం తీసుకుంటారో చూడాలి!