యుద్ద పోరాటాలకు సిద్దపడుతున్న కాజల్

కమల్ హాసన్- శంకర్ కాంబినేషన్లో తెరకెక్కబోతోన్న చిత్రం ‘ఇండియన్ 2′(తెలుగులో భారతీయుడు 2) . గతంలో వీరిద్దరి కాంబినేషన్లో వచ్చిన ఇండియన్ (భారతీయుడు) కు ఇది సీక్వెల్. కోలీవుడ్ తో పాటు టాలీవుడ్ లో కూడా ఈ చిత్రం సంచలన విజయాన్ని నమోదు చేయడంతో ఈ చిత్రం పై భారీ అంచనాలే నెలకొన్నాయి. ఈ చిత్రానికి సంబంచిన కొన్ని వార్తలు సోషల్ మీడియాలో హల చల్ చేస్తున్నాయి.

వివరాల్లోకి వెళితే ‘ఇండియన్ 2’ చిత్రంలో ప్రాచీన యుద్దానికి సంబంచిన కొన్ని ఎపిసోడ్ లు ఉండబోతున్నట్టు తెలుస్తుంది. ‘వర్మకళ’ (తమిళంలో వర్మకలై) అనే ప్రాచీన యుద్ధకళకు సంబందించిన ఈ సీన్స్ ను చిత్రీకరించే పనిలో ఉన్నారంట చిత్ర యూనిట్. ఈ చిత్రంలో హీరోయిన్ గా నటించబోతోన్న కాజల్ కూడా ‘వర్మకళ’ యుద్ధ సన్నివేశాల్లో పాల్గొంటుందట. ఈ ఎపిసోడ్స్ కోసం కాజల్ ప్రత్యేకంగా శిక్షణ కూడా తీసుకోబోతోన్నట్టు తెలుస్తుంది. కాజల్ కూడా వీటిని ఛాలెంజింగా తీసుకుంటుందట. లైకా ప్రొడక్షన్స్ నిర్మిస్తోన్న చిత్రంలో దుల్కర్ సల్మాన్ కూడా ఓ కీలక పాత్ర పోషించబోతున్నట్టు గతంలో వార్తలు వచ్చిన సంగతి తెలిసిందే. జనవరి నుండీ ఈ చిత్రం సెట్స్ పైకి వెళ్ళనుందని సమాచారం.