వాయిదాపడ్డ ‘ఎన్టీఆర్’ 2 వ పాట

‘ఎన్టీఆర్’ బయోపిక్ మొదలు పెట్టినప్పటి నుండీ ఏదో ఒక అడ్డంకులు వస్తూనే ఉన్నాయి. మొదట్లో డైరెక్టర్ తేజ ఈ చిత్రానికి దర్శకత్వం వహించాల్సి ఉంది. అయితే అనుకోని కరణాల వల్ల తేజ ఈ ప్రాజెక్ట్ నుండీ తప్పుకోగా.. క్రిష్ జాగర్లమూడి దర్శకత్వ బాధ్యతలు చేప్పట్టిన సంగతి తెలిసిందే. తరువాత కధలో ఒక్కో పాత్రకు సరైన నటీనటులను వెతికే పనిలో క్రిష్ అష్ట కష్టాలు పడ్డాడట. ఇక 4 గంటలు పైగా ఉన్న కదా కారణంగా రెండు భాగాలుగా తెరకెక్కించడం చేపట్టారు. ఇప్పటికీ ‘ఎన్టీఆర్’ కు ఏదో ఒక రూపంలో అడ్డంకులు వస్తూనే ఉన్నాయట.

తాజాగా విడుదల చేసిన ఫస్ట్ సింగల్ ‘కథానాయక’ కు మంచి రెస్పాన్స్ వచ్చిన సంగతి తెలిసిందే. ఇక రెండో సింగల్ ‘రాజర్షి’ పాటను ముందుగా డిసెంబర్ 10న సాయంత్రం 4 గంటలకు విడుదల చేయనున్నట్లు ప్రకటించారు. అయితే కొన్ని కారణాల వల్ల ఈ పాటను విడుదలను వాయిదా వేసి డిసెంబర్ 12 న ఉదయం 10:31 నిమిషాలకు విడుదల చేయబోతున్నట్టు చిత్ర యూనిట్ అనౌన్స్ చేసింది. కీరవాణి సంగీతంలో తెరకెక్కబోతోన్న ఈ చిత్రం మొదటి భాగం ‘ఎన్టీఆర్-కథానాయకుడు’ జనవరి 9న విడుదల చేయడానికి చిత్ర యూనిట్ ప్లాన్ చేస్తుంది.