Lavanya Tripathi: ఎంగేజ్మెంట్ రింగ్ వెనుక ఉన్న రహస్యం బయటపెట్టిన లావణ్య?

అందాల రాక్షసి సినిమా ద్వారా తెలుగు ప్రేక్షకులకు పరిచయమయి మొదటి సినిమాతోనే అందరిని ఆకట్టుకున్న నటి లావణ్య త్రిపాఠి గురించి ప్రత్యేకంగా చెప్పాల్సిన పనిలేదు. మొదటి సినిమాతోనే మంచి విజయాన్ని అందుకున్న ఈమె అనంతరం తెలుగులో పలు సినిమాలలో నటించి నటిగా గుర్తింపు పొందారు. ఈమె ఇండస్ట్రీలోకి ఎంట్రీ ఇచ్చి పది సంవత్సరాలు అయ్యింది. లావణ్య తాజాగా హ్యాపీ బర్త్ డే అనే సినిమా ద్వారా ప్రేక్షకుల ముందుకు రాబోతోంది. ఈ సినిమా జులై 8వ తేదీ విడుదల కానుంది.

విడుదల తేదీ దగ్గర పడటంతో సినిమా ప్రమోషన్ కార్యక్రమాలను వేగవంతం చేశారు.ఈ సినిమా ప్రమోషన్ కార్యక్రమాలలో భాగంగా లావణ్య గతంలో తన గురించి తన పెళ్లి గురించి వచ్చిన వార్తలపై స్పందించారు. తాను సినిమాల ఎంపిక విషయంలో చాలా సెలెక్టివ్ గా ఉంటానని ఈ విధంగా కొంతకాలపాటు గ్యాప్ రావడంతో చాలామంది తన పెళ్లి చేసుకుంటున్నానని వార్తలు సృష్టించారని ఈమె తెలిపారు. ఈ క్రమంలోనే తాను పెళ్లి చేసుకోబోతున్నానని తనకు ఎంగేజ్మెంట్ కూడా అయిందని పెద్ద ఎత్తున వార్తలు వచ్చాయి.

ఇలా తన గురించి వచ్చిన వార్తలపై ఏ విధంగా రియాక్ట్ అవ్వాలో తనకు తెలియడం లేదని అసలు ఆ సమయంలో నేను హైదరాబాద్లోనే లేనని లావణ్య త్రిపాఠి ఈ సందర్భంగా తెలిపారు. ఇకపోతే తన ఎంగేజ్మెంట్ రింగ్ గురించి కూడా ఈమె ఆసక్తికరమైన వ్యాఖ్యలు చేశారు.నా చేతికి రింగ్ ఉండడంతో చాలామంది అది ఎంగేజ్మెంట్ రింగ్ అని భావించారు. అయితే సొంతంగా తన డబ్బులతో తానే కొనుక్కున్నానని, ఆ రింగ్ తనకి ఎవరు కొనివ్వలేదు, ఎవరు పెట్టలేదని ఈమె ఆ రింగ్ వెనుక ఉన్న అసలు కథ బయటపెట్టారు.

అయితే మెగా హీరో వరుణ్ తేజ్ లావణ్య త్రిపాఠి ప్రేమలో ఉన్నారని వరుణ్ తేజ్ పుట్టినరోజు సందర్భంగా ఆయన ఈమెకు రింగ్ తొడిగి ప్రపోజ్ చేశారంటూ వార్తలు వచ్చాయి. ఈ వార్తలపై లావణ్య త్రిపాఠి ఖండించారు. తాజాగా ఈ సినిమా ప్రమోషన్ కార్యక్రమంలో భాగంగా మరోసారి తన పెళ్లి గురించి ఈమె క్లారిటీ ఇచ్చారు.