LEO: ‘లియో’ 2 డేస్ బాక్సాఫీస్ పెర్ఫార్మన్స్ ఎలా ఉందో తెలుసా?

కోలీవుడ్ స్టార్ హీరో విజయ్ ,లోకేష్ కనగరాజ్ కాంబినేషన్లో ‘మాస్టర్’ తర్వాత వచ్చిన మరో క్రేజీ మూవీ ‘లియో’. అక్టోబర్ 19 న నిన్న దసరా కానుకగా ఈ సినిమా తమిళ్ తో పాటు తెలుగులో కూడా రిలీజ్ అయ్యింది. అయితే మొదటి షోతోనే ఈ మూవీకి మిక్స్డ్ టాక్ ను మూటగట్టుకుంది. అయితే విడుదలకు ముందే ఈ సినిమాకి భారీ హైప్ ఏర్పడింది. అందువల్ల అడ్వాన్స్ బుకింగ్స్ భారీ స్థాయిలో నమోదయ్యాయి.

ముందుగా చెప్పినట్టే ఈ మూవీ మొదటి రోజు రూ.8 కోట్ల వరకు షేర్ ని కలెక్ట్ చేసింది. అయితే రెండో రోజు ‘టైగర్ నాగేశ్వరరావు’ రిలీజ్ అయ్యింది. మరోపక్క పాజిటివ్ టాక్ వల్ల ‘భగవంత్ కేసరి’ కూడా బాగా హోల్డ్ చేస్తుంది. ఈ నేపథ్యంలో ‘లియో’ రెండో రోజు ఎంత కలెక్ట్ చేస్తుంది అనే ఆసక్తి అందరిలోనూ పెరిగింది. ట్రేడ్ వర్గాల సమాచారం ప్రకారం.. రెండో రోజు కూడా లియో స్ట్రాంగ్ గా ఉందని తెలుస్తుంది.

అలాగే రెండో రోజు రూ.3.5 కోట్ల వరకు షేర్ ని కలెక్ట్ చేసే ఛాన్స్ ఉందట. దీంతో రెండు రోజుల్లో ‘లియో’ రూ.12 కోట్ల వరకు షేర్ ను రాబట్టే అవకాశం ఉంటుంది. ఇక శని,ఆదివారాల కలెక్షన్స్ తో ఈ మూవీ ఇట్టే బ్రేక్ ఈవెన్ అయ్యే ఛాన్స్ కూడా లేకపోలేదు. తెలుగు రాష్ట్రాల్లో అయితే (LEO) ‘లియో’ లాభాలను అందించే సినిమాగానే కనిపిస్తుంది.

భగవంత్ కేసరి సినిమా రివ్యూ & రేటింగ్!

లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!